အ႒သာလိနီ၁၆၈

အဇၥ်တၱသမု႒ာနာ ဟိရီ နာမ၊ ဗဟိဒၶာသမု႒ာနံ
ၾသတၱပၸံ နာမ။ အတၱာဓိပတိ ဟိရီ နာမ၊
​ေလာကာဓိပတိ ၾသတၱပၸံ နာမ။
လဇၨာသဘာဝသဏၭိတာ ဟိရီ နာမ၊
ဘယသဘာဝသဏၭိတံ ၾသတၱပၸံ နာမ။
သပၸတိႆဝလကၡဏာ ဟိရီ နာမ၊
ဝဇၨဘီရုကဘယဒႆာဝိလကၡဏံ ၾသတၱပၸံ
နာမ။(နီ၁၆၈)
*******          *******          *******
အတၱနိ ဇာတံ အဇၥ်တၱံ၊ (မိမိခႏၶာ၅ပါး)
သမု႒ာတိ ဧ​ေတနာတိ သမု႒ာနံ။
သံ+ဥပု​ေဗၺာ ဌာ ဂတိနိဝတၱိမွိ၊ ယု။
အဇၥ်တၱံ သမု႒ာနံ ဧတိႆာ ဟိရိယာတိ
အဇၥ်တၱသမု႒ာနာ။ ဗဟိဒၶာ သမု႒ာနံ
ဧတႆ ၾသတၱပၸႆာတိ ဗဟိဒၶာသမု႒ာနံ။
အတၱာ အဓိပတိ ဧတိႆာ ဟိရိယာတိ
အတၱာဓိပတိ။ ​ေလာ​ေကာ အဓိပတိ ဧတႆ
ၾသတၱပၸႆာတိ ​ေလာကာဓိပတိ။
လဇၨာ ဧဝ သဘာ​ေဝါ လဇၨာသဘာ​ေဝါ၊
​ေတန သဏၭိတာ လဇၨာသဘာဝသဏၭိတာ။
ဘယံ ဧဝ သဘာ​ေဝါ ဘယသဘာ​ေဝါ၊
​ေတန သဏၭိတံ ဘယသဘာဝသဏၭိတံ။
ပတိႆဝနံ ပတိႆ​ေဝါ၊ ပတိပု​ေဗၺာ သု
သဝ​ေန၊ဏ။ သဟ ပတိႆ​ေဝန ယံ ဂါရဝံ
ဝတၱတီတိ သပတိႆဝံ။ သပတိႆဝံ
လကၡဏံ ဧတိႆာ ဟိရိယာတိ
သပတိႆဝလကၡဏာ။
ဘာယတီတိ ဘီရု​ေကာ၊ ဘီ ဘ​ေယ၊ဏု​ေကာ
ရကာရာဂ​ေမာ။ ဝဇၨံ ဘီရု​ေကာ ဝဇၨဘီရု​ေကာ။
ဘယ​ေတာ ပႆတီတိ ဘယဒႆာဝီ။
ဘယသဒၵဴပပဒ ဒိသ ​ေပကၡ​ေန၊အာဝီ။
ဝဇၨဘီရု​ေကာ စ ​ဘယဒႆာဝီ စ
ဝဇၨဘီရုကဘယဒႆာဝီ။
ဝဇၨဘီရုကဘယဒႆာဝီ ဝဇၨဘီရုကဘာဝ
ဘယဒႆာဝိဘာ​ေဝါ လကၡဏံ ဧတႆ
ၾသတၱပၸႆာတိ ဝဇၨဘီရုကဘယဒႆာဝိလ
ကၡဏံ။
********************************
တတၳ အဇၥ်တၱသမု႒ာနံ ဟိရႎ  စတူဟိ ကာရ​ေဏဟိ သမု႒ာ​ေပတိ ဇာတႎ ပစၥ​ေဝကၡိတြာ
ဝယံ ပစၥ​ေကၡိတြာ သူရဘာဝံ ပစၥ​ေဝကၡိတြာ
ဗာဟုႆစၥံ ပစၥ​ေဝကၡိတြာ။(နီ၁၆၈)
*******          *******          *******
တတၳာတိ ဟိရိၾသတၱ​ေပၸသု။ ဗဟု သုတံ
ယႆာတိ ဗဟုႆု​ေတာ။ ဗဟုႆုတႆ
ဘာ​ေဝါ ဗာဟုႆစၥံ။
*******************************
ကထံ? "ပါပကရဏံ နာ​ေမတံ န ဇာတိသမၸႏၷာနံ ကမၼံ၊ ဟီနဇစၥာန ​ေကဝဋၬာဒီနံ
ဣဒံ ကမၼံ၊ မာဒိသႆ ဇာတိသမၸႏၷႆ ဣဒံ
ကမၼံ ကာတုံ န ယုတၱ"ႏၲိ ဧဝံ တာဝ ဇာတႎ
ပစၥ​ေဝကၡိတြာ ပါဏာတိပါတာဒိပါပံ အက​ေရာ
​ေႏၲာ ဟိရႎ သမု႒ာ​ေပတိ။(နီ၁၆၈)
*******          *******          *******
ဇာတိ​ေယဝ ဇစၥံ၊ သက​ေတၳ ​ေဏ်ာ။
ဟီနံ ဇစၥံ ​ေယသႏၲိ ဟီနဇစၥာ။
 ​ေက ဥဒ​ေက  ဝဋၬတီတိ ေကဝေဋၬာ။
ကသဒၵဴပပဒ ဝဋၬ အာဝတၱေန၊အ။
အဟံ ဝိယ ဒိႆတီတိ မာဒိ​ေသာ။
အမွသဒၵဴပပဒ ဒိသ ​ေပကၡ​ေန၊ကိြ။
*********************************
တထာ "ပါပကရဏံ နာ​ေမတံ ဒဟ​ေရဟိ
ကတၱဗၺံ ကမၼံ၊ မာဒိသႆ ဝ​ေယ ဌိတႆ
ဣဒံ ကမၼံ ကာတုံ န ယုတၱ"ႏၲိ ဧဝံ ဝယံ ပစၥ​ေဝကၡိတြာ ပါဏာတိပါတာဒိပါပံ အက​ေရာ​ေႏၲာ ဟိရႎ သမု႒ာ​ေပတိ။
တထာ "ပါပကရဏံ နာ​ေမတံ ဒုဗၺလဇာတိကာနံ
ကမၼံ၊ န သူရဘာဝါနံ။ မာဒိသႆ
သူရဘာဝသမၸႏၷႆ ဣဒံ ကမၼံ ကာတုံ န ယုတၱ"ႏၲိ ဧဝံ သူရဘာဝံ ပစၥ​ေဝကၡိတြာ ပါဏာတိပါတာဒိပါပံ အက​ေရာ​ေႏၲာ ဟိရႎ
သမု႒ာ​ေပတိ။
တထာ "ပါပကရဏံ နာ​ေမတံ အႏၶဗာလာနံ ကမၼံ၊ န ပ႑ိတာနံ။ မာဒိသႆ ပ႑ိတႆ
ဗဟုႆုတႆ ဣဒံ ကမၼံ ကာတုံ န ယုတၱ"ႏၲိ
ဧဝံ ဗာဟုႆစၥံ ပစၥ​ေဝကၡိတြာ ပါဏာတိပါတာ
ဒိပါပံ အက​ေရာ​ေႏၲာ ဟိရႎ သမု႒ာ​ေပတိ။
ဧဝံ အဇၥ်တၱသမု႒ာနဟိရႎ စတူဟိ ကာရ​ေဏဟိ သမု႒ာ​ေပတိ။
သမု႒ာ​ေပတြာ စ ပန အတၱ​ေနာ စိ​ေတၱ ဟိရႎ
ပ​ေဝ​ေသတြာ ပါပကမၼံ န က​ေရာတိ၊ ဧဝံ
အဇၥ်တၱသမု႒ာနာ ဟိရီ နာမ ​ေဟာတိ။
(နီ၁၆၈)
*******          *******          *******
နတၳိ ဗလံ ယႆာတိ ဒုဗၺ​ေလာ။(အားမရွိသူ)
ဒုဗၺ​ေလာ ဒုဗၺလဘာ​ေဝါ ဇာတိ သဘာ​ေဝါ
ဧ​ေတသႏၲိ ဒုဗၺလဇာတိကာ။​
သူရႆ ဘာ​ေဝါ သူရဘာ​ေဝါ၊
သူရဘာ​ေဝါ ဧ​ေတသံ အတၳီတိ သူရဘာဝါ။
********************************