အ႒သာလိနီ(၁၁၆)

ဣဒါနိ ပကတိယာ ဒိ႒ာဒီနံ ဝေသန အာပါထဂမေန အယမပေရာပိ အ႒ကထာမုတၱေကာ နေယာ ေဟာတိ။ ဒိ႒ံ သုတံ ဥဘယသမၺႏၶႏၱိ ဣေမ တာဝ ဒိ႒ာဒေယာ ေဝဒိတဗၺာ။ တတၳ ဒိ႒ံ နာမ ပဥၥဒြါရဝေသန ဂဟိတပုဗၺံ။ သုတႏ ၱိ ပစၥကၡေတာ အဒိသြာ အႏုႆဝဝေသန ဂဟိတာ ရူပါဒေယာဝ။ ေတဟိ ဒြီဟိပိ သမၺႏၶံ ဥဘယသမၺႏၶံ နာမ။ ဣတိ ဣေမသမၸိ ဒိ႒ာဒီနံ ဝေသန ဧတာနိ မေနာဒြါေရ အာပါထမာဂစၦႏၱီတိ ေဝဒိတဗၺာနိ။ တတၳ ဒိ႒ဝေသန တာဝ အာပါထဂမနံ ေဟ႒ာ ပဥၥဟိ နေယဟိ ဝုတၱေမဝ။(နီ၁၁၆)

*************************************

အ႒ကထာမုတၱေကာတိ အ႒ကထာသု အာဂတနယေတာ မုတၱေကာ။ ဒႆိယိတၳာတိ ဒိ႒ံ။ သူယိတၳာတိ သုတံ။ ဥဘေယဟိ သမၺႏၶံ ဥဘယသမၺႏၶံ။ တတၳာတိ ဒိ႒ာဒီသု။ ပုေဗၺ ဂဟိတံ ဂဟိတပုဗၺံ။

အႏုႆူယေတ အႏုႆေဝါ၊တႆ

ဝေသာ အႏုႆဝဝေသာ။

***              ***                  ***

ပကတိယာ ဒိ႒ာဒိဝေသန အာပါထဂမနဥၥ ေဘာဇနပရိဏာမဥတုေဘာဇနဝိေသသဥႆာဟာဒီဟိ ကလ်ံ, ေရာဂိေနာ ဝါတာဒီဟိ စ ဥပဒၵဳတံ ဝါ ကာယံ အႏုဝတၱႏၱႆ ဇာဂရႆ ဘဝဂၤႆ စလနပစၥယာနံ ကာယိကသုခဒုကၡဥတုေဘာဇနာဒိဥပနိႆယာနံ စိတၱပဏိဒဟနသဒိသာသဒိသသမၺႏၶဒႆနာဒိပစၥယာနံ, သုတၱႆ စ သုပိနဒႆေန ဓာတုေကၡာဘာဒိပစၥယာနံ ဝေသန ေဝဒိတဗၺံ။

အဒိ႒ႆ အသုတႆ အနာဂတဗုဒၶရူပါဒိေနာ ပသာဒဒါတုကာမတာဝတၳဳႆ တံသဒိသတာသခၤါေတန ဒိ႒သုတသမၺေႏၶေနဝ။ န ေကဝလံ တံသဒိသတာဝ ဥဘယသမၺေႏၶာ၊ ကိႏၱဳ တဗၺိပကၡတာ တေဒကေဒသတာ တံသမၸယုတၱတာဒိေကာ စ ေဝဒိတေဗၺာ။(ဋီ)

အ႒သာလိနီ

မုဒုကံ ပန သုခသမၹႆံ မဥၥံ ဝါ ပီဌံ ဝါ အတၳရဏပါဝုရဏံ ဝါ ပရိဘုဥၨိတြာ အပရဘာေဂ ယတၳ ကတၳစိ ဒုကၡေသယ်ံ ကေပၸတြာ "အသုကကာေလ ေမ မုဒုကံ မၪၥပီဌံ အတၳရဏပါဝုရဏံ ပရိဘုတၱ"ႏၱိ အာဝဇၨမာနႆ တံ ေဖါ႒ဗၺာရမၼဏံ ကာယဒြါေရ အာပါထမာဂတံ ဝိယ ေဟာတိ၊ သုခသမၹႆံ ေဝဒယိတကာေလာ ဝိယ ေဟာတိ။ ဧဝံ ဖု႒ဝေသန ေဖါ႒ဗၺာရမၼဏံ အာပါထမာဂစၦတိ။ ဧဝံ သုဒၶမေနာဒြါေရ ပသာဒဃ႗နကိစၥံ နတၳိ၊ပကတိယာ ဒိ႒သုတဃာယိတသာယိတဖု႒ဝေသေနဝ ဧတာနိ အာရမၼဏာနိ အာပါထမာဂစၦႏၱီတိ ေဝဒိတဗၺာနိ။(နီ၁၁၅)

************+**********************

ေမာဒနံ မုဒု၊ မုဒ ေတာေသ၊ကု။မုဒုေယဝ မုဒုေကာ။

သုေခါ သမၹေႆာ ယႆာတိ သုခသမၹေႆာ။ မဥၥတိ ဥစၥီ ဘဝတီတိ မေဥၥာ၊ မစိ ဥစၥိေယ၊အ။

ပီဌတိ ပုဂၢလံ ဓာေရတီတိ ပီဌံ၊ ပီဌ ဓာရေဏ၊အ။ အာဘုေသာ ထရီယေတတိ အတၳရဏံ၊အာပုေဗၺာ ထရ သႏၳရေဏ၊ယု။

ပဝရီယေတတိ ပါဝုရဏံ၊ပပုေဗၺာ ဝရ အစၦာဒေန၊ယု။

ဒုကၡေသယ်ႏ ၱိ ဒုကၡံ ေသယ်ံ။

အ႒သာလိနီ

ပဏီတံ ပန ခါဒနီယံ ဝါ ေဘာဇနီယံ ဝါ သျဗဟၼစာရီဟိ သဒၶႎ သံဝိဘဇိတြာ ပရိဘုဥၨိတြာ အပရဘာေဂ ယတၳ ကတၳစိ ကုျဒဴသကာဒိေဘာဇနံ လဘိတြာ "အသုကကာေလ ပဏီတံ ေဘာဇနံ သျဗဟၼစာရီဟိ သဒၶႎ သံဝိဘဇိတြာ ပရိဘုတၱ"ႏၱိ အာဝဇၨမာနႆ တံ ရသာရမၼဏံ ဇိဝွါဒြါေရ အာပါထမာဂတံ ဝိယ ေဟာတိ၊ပရိဘုဥၨနကာေလာ ဝိယ ေဟာတိ။ ဧဝံ သာယိတဝေသန ရသာရမၼဏံ အာပါထမာဂစၦတိ။ (နီ၁၁၅)

********+*****************************

ပက႒ံ ဟုတြာ နီတံ ပဏီတံ၊နႆ ေဏာ။ ျဗဟၼံ စရတီတိ ျဗဟၼစာရီ၊ျဗဟၼသဒၵဴပပေဒါ စရ စရေဏ၊ဏီ။

သမာေနာ ျဗဟၼစာရီ သျဗဟၼစာရီ၊သမာနႆ ေသာ။ ေကာရံ ရုဓိရံ ဒူေသတီတိ ကုျဒဴသေကာ၊ေကာရသဒၵဴပပေဒါ ဒူသ နာေသ၊ဏြဳ၊ဝဏၰဝိပရိယာေယာ၊ႀသႆ ဥတၱံ၊ ကုျဒဴသေကာ အာဒိ ယႆ ေဘာဇနႆာတိ ကုျဒဴသကာဒိ၊ကုျဒဴသကာဒိ ေဘာဇနံ ကုျဒဴသကာဒိေဘာဇနံ။ အာဒိသေဒၵန ဝရကာဒႎ သဂၤယွတိ။ ပရိဘုဥၨတိ ဧတၳ ကာေလတိ ပရိဘုဥၨေနာ၊ပရိဘုဥၨေနာ ကာေလာ ပရိဘုဥၨနကာေလာ။

အ႒သာလိနီ

မဓုေရန ပန သေရန ဓမၼကထိကႆ ဝါ ဓမၼံ ကေထႏၲႆ သရဘာဏကႆ ဝါ သေရန ဘဏႏၲႆ သဒၵံ သုတြာ အပရဘာေဂ ယတၳ ကတၳစိ နိသီဒိတြာ အာဝဇၨမာနႆ ဓမၼကထာ ဝါ သရဘညံ ဝါ ေသာတဒြါေရ အာပါထမာဂတံ ဝိယ ေဟာတိ၊သာဓုကာရံ ဒတြာ သုဏနကာေလာ ဝိယ ေဟာတိ။ ဧဝံ သုတဝေသန သဒၵါရမၼဏံ အာပါထမာဂစၧတိ။(နီ၁၁၅)

**************************************

ကထီယတီတိ ကထာ၊ကထ ကထေန၊အ၊ဣတၳိယံ အာ။

ဓမၼသခၤါတာ ကထာ ဓမၼကထာ။

ဓမၼကထာယံ သာဓု ဓမၼကထိေကာ၊ဣေကာ။ ဘဏတီတိ ဘာဏေကာ၊ ဘဏ သေဒၵ၊ဏြဳ။ သေရန ဘာဏေကာ သရဘာဏေကာ။ ဘဏိတဗၺႏၲိ ဘညံ၊ဘဏ သေဒၵ၊ေဏ်ာ။ သေရန ဘညံ သရဘညံ။

သာဓုကာရႏၲိ သာဓူဟိ ကာတဗၺံ သဒၵံ။

*************************************************

သုဂႏၶံ ပန ဂႏၶံ ဝါ မာလံ ဝါ လဘိတြာ အာသေန ဝါ ေစတိေယ ဝါ ဂႏၶာရမၼေဏန စိေတၱန ပူဇံ ကတြာ အပရဘာေဂ ယတၳ ကတၳစိ နိသီဒိတြာ အာဝဇၨမာနႆ တံ ဂႏၶာရမၼဏံ ဃာနဒြါေရ အာပါထမာဂတံ ဝိယ ေဟာတိ၊ပူဇာကရဏကာေလာ ဝိယ ေဟာတိ။ဧဝံ ဃာယိတဝေသန ဂႏၶာရမၼဏံ အာပါထမာဂစၧတိ။(နီ၁၁၅)

**************************************

ဂႏၶယတိ အတၱေနာ ဝတၳဳံ သူေစတီတိ ဂေႏၶာ၊ဂႏၶ သူစေန၊အ။

သု႒ဳ ဂေႏၶာ ယႆာတိ သုဂေႏၶာ။

မီယတီတိ မာလာ၊မာ မာေန၊ေလာ၊ဣတၳိယံ အာ။

ပူဇာကရဏကာေလာတိ ပူဖာယ ကရေဏာ ကာေလာ။

အ႒သာလိနီ

တႆ ဧဝံ ေစတိယံ ပႆိတြာ ဗုဒၶါရမၼဏံ ပီတႎ နိဗၺေတၱတြာ အပရဘာေဂ ယတၳ ကတၳစိ ဂတႆ ရတၱိ႒ာနဒိဝါ႒ာေနသု နိသိႏၷႆ အာဝဇၨမာနႆ အလကၤတပဋိယတၱံ မဟာေစတိယံ စကၡဳဒြါေရ အာပါထမာဂတသဒိသေမဝ ေဟာတိ၊ပဒကၡိဏံ ကတြာ ေစတိယဝႏၵနကာေလာ ဝိယ ေဟာတိ။ ဧဝံ တာဝ ဒိ႒ဝေသန ႐ူပါရမၼဏံ အာပါထမာဂစၧတိ။(နီ၁၁၅)

****************************************************

ဗုေဒၶါ အာရမၼဏံ ဧတိႆာ ပီတိယာတိ ဗုဒၶါရမၼဏာ။

ရတၱိယံ ဌာနံ ရတၱိ႒ာနံ၊ဒိဝါ ဌာနံ ဒိဝါ႒ာနံ၊ရတၱိ႒ာနဥၥ ဒိဝါ႒ာနဥၥ ရတၱိ႒ာနဒိဝါ႒ာနာနိ။ အာဂေတန သဒိသံ အာဂတသဒိသံ။ဝႏၵတိ ဧတၳ ကာေလတိ ဝႏၵေနာ၊ ဝႏၵေနာ ကာေလာ ဝႏၵနကာေလာ၊ေစတိယႆ ဝႏၵနကာေလာ ေစတိယဝႏၵနကာေလာ။

ဒိ႒ဝေသနာတိပဒံ အာဂစၧတီတိပေဒ ေဟတု။

အ႒သာလိနီ

သုဒၶမေနာဒြါေရ ပန ပသာဒဃ႗နကိစၥံ နတၳိ၊ပကတိယာ ဒိ႒သုတဃာယိတသာယိတဖု႒ဝေသေနဝ ဧတာနိ အာရမၼဏာနိ အာပါထမာဂစၧႏၲိ။(နီ၁၁၄)

**************************************

ပသာဒႆ ဃ႗နံ ပသာဒဃ႗နံ၊ ပသာဒဃ႗နံ ကိစၥံ ပသာဒဃ႗နကိစၥံ။ ဒိ႒ဥၥ သုတဥၥ ဃာယိတဥၥ သာယိတဥၥ ဖု႒ဥၥ ဒိ႒သုတဃာယိတသာယိတဖု႒ာနိ၊ေတသံ ဝေသာ ဒိ႒သုတဃာယိတသာယိတဖု႒ဝေသာ၊ေတန။

**************************************

ကထံ? ဣေဓကေစၥာ ကတသုဓာကမၼံ ဟရိတာလမေနာသိလာဒိဝဏၰဝိစိတၱံ ပဂၢဟိတနာနပၸကာရဓဇပဋာကံ မာလာဒါမဝိနဒၶံ ဒီပမာလာပရိကၡိတၱံ အတိမေနာရမာယ သိရိယာ ဝိေရာစမာနံ အလကၤတပဋိယတၱံ မဟာေစတိယံ ပဒကၡိဏံ ကတြာ ေသာဠသသု ပါဒပိ႒ိကာသု ပဥၥပတိ႒ိေတန ဝႏၵိတြာ အဥၨလႎ ပဂၢယွ ဥေလႅာေကေႏၲာ ဗုဒၶါရမၼဏံ ပီတႎ ဂေဟတြာ တိ႒တိ။(နီ၁၁၄)

********************************************************

ဣဓာတိ ေလာေက။ သုဓာယ ကမၼံ သုဓာကမၼံ၊ ကတံ သုဓာကမၼံ ယႆ မဟာေစတီယႆာတိ ကတသုဓာကမၼံ။ဟရိတာလဥၥ မေနာသိလာ စ ဟရိတာလမေနာသိလာ၊ ဟရိတာလမေနာသိလာ အာဒိ ေယသံ ဝဏၰာနႏၲိ ဟရိတာလမေနာသိလာဒေယာ၊ ေတသံ ဝေဏၰာ ဟရိတာလမေနာသိလာဒိဝေဏၰာ၊

ေတန ဝိစိတၱံ ဟရိတာလမေနာသိလာဒိဝဏၰဝိစိတၱံ။

နာနာ ပကာေရာ ယႆာတိ နာနပၸကာရံ၊ဓေဇာ စ ပဋာကာ စ ဓဇပဋာကံ၊ နာနပၸကာရံ ဓဇပဋာကံ နာနပၸကာရဓဇပဋာကံ၊ ပဂၢဟိတံ နာနပၸကာရဓဇပဋာကံ ယသၼႎ မဟာေစတိေယတိ ပဂၢဟိတနာနပၸကာရဓဇပဋာကံ။ မာလာနံ ဒါမံ မာလာဒါမံ၊ေတန ဝိနဒၶံ မာလာဒါမဝိနဒၶံ။ ဒီပါနံ မာလာ ဒီပမာလာ၊ တာဟိ ပရိကၡိတၱံ ဒီပမာလာပရိကၡိတၱံ။ မေနာ ရမတိ ဧတၳာတိ မေနာရမာ၊မနသဒၵဴပပေဒါ ရမု ရမေဏ၊အ၊ဣတၳိယံ အာ။ အတိ  မေနာရမာ အတိမေနာရမာ။ ကတပုေညဟိ ေသဝီယေတတိ သိရီ၊ သိ ေသေဝ၊ေရာ၊ဣတၳိယံ ဤ။

အလကၤရီယေတ အလကၤတံ၊အလံသဒၵဴပပေဒါ ကရ ကရေဏ၊ေတာ။ ပဋိယာဒိယတီတိ ပဋိယတၱံ၊

ပတိပုေဗၺာ ယတ ပယတေန၊ေတာ။အလကၤေတန ပဋိယတၱံ အလကၤတပဋိယတၱံ။ ေစတိတဗၺံ ပူေဇတဗၺႏၲိ ေစတိယံ၊စိတ ပူဇာယံ၊ေဏ်ာ။ မဟႏၲဥၥ တံ ေစတိယဥၥာတိ မဟာေစတိယံ။ ပါဒပိ႒ိကာသူတိ ေစတိယႆ ပါဒါနံ ပိ႒ိကာသု။

အ႒သာလိနီ

ယထာ ဟိ သကုေဏာ အာကာေသနာဂႏ႖ာ ႐ုကၡေဂၢ နိလီယမာေနာဝ ႐ုကၡသာခဥၥ ဃေ႗တိ၊ဆာယ စႆ ပထဝိယံ ပဋိဟညတိ၊သာခါဃ႗နဆာယာဖရဏာနိ အပုဗၺံ အစရိမံ ဧကကၡေဏေယဝ ဘဝႏၲိ။ဧဝံ ပစၥဳပၸႏၷ႐ူပါဒီနံ စကၡဳပသာဒါဒိဃ႗နဥၥ ဘဝဂၤစာလနသမတၳတာယ မေနာဒြါေရ အာပါထဂမနဥၥ အပုဗၺံ အစရိမံ ဧကကၡေဏေယဝ ေဟာတိ။ တေတာ ဘဝဂႍ ဝိစၧိႏၵိတြာ စကၡဳဒြါရာဒီသု ဥပၸႏၷာနံ အာဝဇၨနာဒီနံ ေဝါ႒ဗၺနပရိေယာသာနာနံ အနႏၲရာ ေတသံ အာရမၼဏာနံ အညတရသၼႎ ဣဒံ မဟာစိတၱံ ဥပၸဇၨတိ။(နီ၁၁၄)

*****************************************************

ဝုတၱေမဝတၳံ ဥပမာယ သာေဓေႏၲာ အာဟ "ယထာ ဟီ"တိအာဒိ။ ႐ုကၡႆ အေဂၢါ ႐ုကၡေဂၢါ၊တသၼႎ။ နိလီယတီတိ နိလီယမာေနာ၊နိပုေဗၺာ လီ နိလီယေန၊မာေနာ။ သာခတိ သဗၺတၳ ဗ်ာပတီတိ သာခါ၊ သာခ ဗ်ာပေန၊အ၊ဣတၳိယံ အာ။ ႐ုကၡႆ သာခါ ႐ုကၡသာခါ၊တံ။ ဆာယာ စႆာတိ အႆ သကုဏႆ ဆာယာ စ။သာခါယ ဃ႗နံ သာခါဃ႗နံ၊ ဆာယာယ ဖရဏံ ဆာယာဖရဏံ၊သာခါဃ႗နဥၥ ဆာယာဖရဏဥၥ သာခါဃ႗နဆာယာဖရဏာနိ။ ပစၥဳပၸႏၷံ ႐ူပံ ပစၥဳပၸႏၷ႐ူပံ၊ ပစၥဳပၸႏၷ႐ူပံ အာဒိ ဧေတသံတိ ပစၥဳပၸႏၷ႐ူပါဒီနိ၊ေတသံ။

စကၡဳပသာေဒါ အာဒိ ဧေတသံတိ စကၡဳပသာဒါဒီနိ၊ေတသံ ဃ႗နံ စကၡဳပသာဒါဒိဃ႗နံ။ ဘဝဂၤႆ စာလနံ ဘဝဂၤစာလနံ၊ သမတၳႆ ဘာေဝါ သမတၳတာ၊ ဘဝဂၤစာလေန သမတၳတာ ဘဝဂၤစာလနသမတၳတာ၊တာယ။ တေတာတိ ဘဝဂၤစလနေတာ။ ေယာဇနာယံ ပန တေတာတိ အာရမၼဏႆ အာပါထဂမနေတာတိ ဝုတၱံ။ ေတသံ အာရမၼဏာနႏၲိပဒံ "အညတရသၼိ"ႏၲိပေဒ နိဒၶါရဏသမုဒါေယာ။