အ႒သာလိနီ

ဣဒါနိ ဣမသၼႎ ဌာေန ကမၼပထသံသႏၵနံ နာမ ေဝဒိတဗၺံ။  ပဥၥဖႆဒြါရဝေသန ဟိ ဥပၸေႏၷာ အသံဝေရာ အကုသလံ မေနာကမၼေမဝ ေဟာတိ။ မေနာဖႆဒြါရဝေသန ဥပၸေႏၷာ တီဏိပိ ကမၼာနိ ေဟာႏၲိ။

ေသာ ဟိ ကာယဒြါေရ ေစာပနပၸေတၱာ အကုသလံ ကာယကမၼံ ေဟာတိ-- ဝဇီဒြါေရ အကုသလံ ဝဇီကမၼံ-- ဥဘယတၳ ေစာပနံ အပၸေတၱာ အကုသလံ မေနာကမၼံ။(၁၄၈)

****************************************

ကမၼပေထာ စ အကမၼပေထာ စ ကမၼပထာ။

ကမၼပထျဖစ္ေသာ ဒုစရုိက္သုစရိုက္ ကမၼပထမဟုတ္ေသာ သံဝရအသံဝရ။

သံသႏၵီယႏၲိ ဧတၳာတိ သံသႏၵနံ။

ႏွီးေႏွာ၍ျပရာအခန္း။  ကမၼပထာနံ ကမၼပထာကမၼပေထသု သံသႏၵနံ ကမၼပထသံသႏၵနံ။

ကမၼပထျဖစ္ေသာဒုစရိုက္သုစရိုက္ ကမၼပထမဟုတ္ေသာသံဝရအသံဝရတို့၏ ကမၼပထအကမၼပထတို့၌ ႏွီးေႏွာျပရာအခန္း။

တစ္နည္း** ကမၼပထာနံ သာမညနာမာဝိဇဟနဝေသန ကမၼပေထသု သံသႏၵနံ ကမၼပထသံသႏၵနံ။

ကမၼပထျဖစ္ေသာဒုစရိုက္သုစရုိက္

ကမၼပထမဟုတ္ေသာသံဝရအသံဝရတို႕၏

ကာယကံ စဝီကံ မေနာကံဟူေသာ သာမညနာမည္ကို မစြန္႔ျခင္း၏အစြမ္းျဖင္႔  ကမၼပထတို႔၌ ႏွီးေႏွာျပရာအခန္း။

တစ္နည္း** ကမၼပထာနံ ဒြါေရသု ဥပၸတၱိဝေသန သံသႏၵနံ ကမၼပထသံသႏၵနံ။

ကမၼပထျဖစ္ေသာဒုစရုိက္သုစရိုက္ ကမၼပထမဟုတ္ေသာသံဝရအသံဝရတို၏ ဒြါရတို႔၌ ျဖစ္ျခင္း၏အစြမ္းျဖင့္ ႏွီးေႏွာျပရာအခန္း။

တတၳ(ထိုကမၼပထသံသႏၵနအခန္း)တိဝိဓကမၼဒြါရ

ဝေသန ဥပၸႏၷာနံ ကမၼာနံ ဉာတကမၼဘာဝတာယ

တံတံကမၼဘာဝႆ အဝစနီယတၱာ ကမၼဒြါေရသု ေတသံ ဥပၸတၱိယာ စ ဝုတၱတၱာ ပဥၥဝိညာဏဒြါရဝေသန အသံဝရာဒီနံ ဥပၸတၱိပရိယာယဝစနာဘာဝေတာ စ ကမၼဒြါရဝိညာဏဒြါရာနိ ဝိရဇၩိတြာ(ေရွာင္ၾကဥ္၍)

" ပဥၥဖႆဒြါရဝေသန ဟိ ဥပၸေႏၷာ" တိအာဒိ ဝုတၱံ။(ဋီ၈၃)

အ႒သာလိနီ

ေကာ႒ာသေတာတိ ပဋိပါဋိယာ သတၱ ကမၼပထာ ဧဝ-- ေနာ မူလာနိ- အေႏၲ တေယာ ကမၼပထာ ေစဝ မူလာနိ စ။ အနဘိဇၩာ ဟိ မူလံ ပတြာ အေလာေဘာ ကုသလမူလံ ေဟာတိ- အဗ်ာပါေဒါ အေဒါေသာ ကုသလမူလံ- သမၼာဒိ႒ိ အေမာေဟာ ကုသလမူလံ။
အာရမၼဏေတာတိ ပါဏာတိပါတာဒီနံ အာရမၼဏာေနဝ ဧေတသံ အာရမၼဏာနိ- ဝီတိကၠမိတဗၺေတာေယဝ ဟိ ေဝရမဏီ နာမ ေဟာတိ။ ယထာ ပန နိဗၺာဏာရမၼေဏာ အရိယမေဂၢါ ကိေလေသ ပဇဟတိ- ဧဝံ ဇီဝိတိျႏၵိယာဒိအာရမၼဏာေပေတ ကမၼပထာ ပါဏာတိပါတာဒီနိ ဒုႆီလ်ာနိ ပဇဟႏၲီတိ ေဝဒိတဗၺာ။
ေဝဒနာေတာတိ သေဗၺ သုခေဝဒနာ ဝါ ေဟာႏၲိ မဇၩတၱေဝဒနာ ဝါ- ကုသလံ ပတြာ ဟိ ဒုကၡေဝဒနာ နာမ နတၳိ။
မူလေတာတိ ပဋိပါဋိယာ သတၱ ကမၼပထာ ဉာဏသမၸယုတၱစိေတၱန ဝိရမႏၲႆ အေလာဘအေဒါသအေမာဟဝေသန တိမူူလာ ေဟာႏၲိ- ဉာဏဝိပၸယုတၱစိေတၱန ဝိရမႏၲႆ ဒြမူလာ။ အနဘိဇၩာ ဉာဏသမၸယုတၱစိေတၱန ဝိရမႏၲႆ ဒြိမူလာ ေဟာတိ- ဉာဏဝိပၸယုတၱစိေတၱန ဧကမူလာ။ အေလာေဘာ ပန အတၱနာဝ အတၱေနာ မူလံ န ေဟာတိ။ အဗ်ာပါေဒပိ ဧေသဝ နေယာ- သမၼာဒိ႒ိ အေလာဘာေဒါသဝေသန ဒြိမူလာဝ ေဟာတိ။ဣေမ ဒသ ကုသလကမၼပထာ နာမ။
(နီ၁၄၇)
***********************-***---*-***********
ေဝရံ မဏတိ ဝိနာေသတီတိ ေဝရမဏီ။
ေဝရသဒၵဴပပေဒါ မဏ ဝိနာေသ။ ဤ။
ဒုႆီလ်ာဒါရမၼဏာ(ဒုႆီလ် အစရွိသည္တို႕၏ အာရုံတို႕သည္) တဒါရမၼဏာ(ထိုကုသလကမၼ
ပထတို႕၏ အာရုံတို႕တည္း)။
ဇီဝိတိျႏၵိယာဒိအာရမၼဏာ ကထံ ဒုႆီလ်ာဒီနိ ပဇဟႏၲီတိ တံ ဒေႆတုံ "ယထာ ပနာ"တိအာဒိ ဝုတၱံ။
 အနဘိဇၩာ။ပ။ဝိရမႏၲႆာတိ အဘိဇၩံ ပဇဟႏၲႆာတိ အေတၳာ။ န ဟိ မေနာဒုစၥရိတာ ဝိရတိ အတၳိ အနဘိဇၩာဒီေဟဝ တပၸဟာနေတာ။
(ဋီ ၈၁)

အ႒သာလိနီ

သမာဒိႏၷသိကၡာပဒါနံ ပန သိကၡာပဒသမာဒါေန စ တတုတၱရိဥၥ အတၱေနာ ဇီဝိတမၸိ ပရိစၥဇိတြာ ဝတၳဳံ အဝီတိကၠမႏၲာနံ ဥပၸဇၨမာနာ ဝိရတိ "သမာဒါနဝိရတီ"တိ ေဝဒိတဗၺာ-
ဥတၱရဝၯမာနပဗၺတဝါသီဥပါသကႆ ဝိယ။
ေသာ ကိရ အမၺရိယဝိဟာရဝါသိေနာ ပိဂၤလဗုဒၶရကၡိတေတၳရႆ သႏၲိေက သိကၡာပဒါနိ  ဂေဟတြာ ေခတၱံ ကသတိ။ အထႆ ေဂါေဏာ နေ႒ာ- ေသာ တံ ဂေဝသေႏၲာ ဥတၱရဝၯမာနပဗၺတံ အာရုဟိ-- တၾတ နံ မဟာသေပၸါ အဂၢေဟသိ။ ေသာ စိေႏၲသိ "ဣမာယႆ တိခိဏဝါသိယာ သီသံ ဆိႏၵာမီ"တိ- ပုန စိေႏၲသိ "န ေမတံ ပတိရူပံ--
ယြာဟံ ဘာဝနီယႆ ဂရုေနာ သႏၲိေက သိကၡာပဒါနိ ဂေဟတြာ ဘိေႏၵယ်"ႏၲိ။ ဧဝံ ယာဝတတိယံ စိေႏၲတြာ "ဇီဝိတံ ပရိစၥဇာမိ န သိကၡာပဒ"ႏၲိ အံေသ ဌပိတံ တိခိဏဒ႑ဝါသႎ အရေည ဆဍ္ေဍသိ--တာဝေဒဝ နံ မဟာဝါေဠာ မုဥၥိတြာ အဂမာသီတိ။(နီ၁၄၆/၁၄၇)
*******************************************
တတုတၱရိဥၥာတိ တေတာ သိကၡာပဒသမာဒါနေတာ ဥတၱရႎ စ။ ကိရာတိ ဝိတၳာေရမိ။ အထႆာတိ အထ ပစၧာ အႆ ဥပါသကႆ။
ယြာဟံ ေယာ အဟံ ဘာဝနီယႆ မနုေႆဟိ သမၻာဝနီယႆ ဂရုေနာ သႏၲိေက သိကၡာပဒါနိ ဂေဟတြာ ယံ ဘိေႏၵယ်--တႆ ေမ ဧတံ ဘိႏၵနံ န ပတိရူပႏၲိ ေယာဇနာ။
************************************-***
အရိယမဂၢသမၸယုတၱာ ပန ဝိရတိ သမုေစၧဒဝိရတီတိ ေဝဒိတဗၺာ-- ယႆာ ဥပၸတၱိေတာ ပဘုတိ "ပါဏံ ဃာေတႆာမီ"တိ အရိယပုဂၢလာနံ စိတၱမၸိ ႏုပၸဇၨတီတိ။
ဣဒါနိ ယထာ အကုသလာနံ-- ဧဝံ ဣေမသမၸိ ကုသလကမၼပထာနံ ဓမၼေတာ ေကာ႒ာသေတာ အာရမၼဏေတာ ေဝဒနာေတာ မူလေတာတိ ပဥၥာဟာကာေရဟိ ဝိနိစၧေယာ ေဝဒိတေဗၺာ။
တတၳ ဓမၼေတာတိ ဧေတသု ဟိ ပဋိပါဋိယာ သတၱ ေစတနာပိ ဝဋၬႏၲိ ဝိရတိေယာပိ--အေႏၲ တေယာ ေစတနာသမၸယုတၱာဝ။(နီ၁၄၇)
********************-*******************
ယႆာတိ ဝိရတိယာ။
ဣဒါနိ အကုသလနံ ဝိနိစၧေယာ ေဝဒိတေဗၺာ ယထာ--ဧဝႏၲိ ေယာဇနာ။
တတၳ ဓမၼေတာတိအာဒိပေဒသု ဓမၼေတာတိပဒႆ ဝိနိစၧယံ ဟိ ဥဒၶရိတြာ ဒေႆမိ--ဧေတသု ဒသသု ကုသလကမၼပေထသူတိ ေယာဇနာ။

အ႒သာလိနီ

ပါဏာတိပါတာဒီဟိ ပန ဝိရတိေယာ; အနဘိဇၩာအဗ်ာပါဒသမၼာဒိ႒ိေယာ စာတိ ဣေမ ဒသ ကုသလကမၼပထာ နာမ။
တတၳ ပါဏာတိပါတာဒေယာ ဝုတၱတၳာ ဧဝ။ ပါဏာတိပါတာဒီဟိ ဧတာယ ဝိရမႏၲိ; သယံ ဝါ ဝိရမတိ; ဝိရမဏမတၱေမဝ ဝါ ဧတႏၲိ ဝိရတိ။
ယာ ပါဏာတိပါတာ ဝိရမႏၲႆ "ယာ တသၼႎ သမေယ ပါဏာတိပါတာ အာရတိ ဝိရတီ"တိ ဧဝံ ဝုတၱာ ကုသလစိတၱသမၸယုတၱာ ဝိရတိ- သာ ပေဘဒေတာ တိဝိဓာ ေဟာတိ သမၸတၱဝိရတိ သမာဒါနဝိရတိ သမုေစၧဒဝိရတီတိ။(နီ၁၄၅/၁၄၆)
******************************************
တတၳာတိ ဒသသု ကုသလကမၼပေထသု။
ဧတာယ ဓမၼဇာတိယာ တံသမဂႋေနာ ပါဏာတိပါတာဒီဟိ ဝိရမႏၲိ ဣတိ သာ ဓမၼဇာတိ ဝိရတိ-  ဝါ ယာ ဓမၼဇာတိ သယံ ဝိရမတိ ဣတိ သာ ဓမၼဇာတိ ဝိရတိ-  ဝါ ဧတံ ဓမၼဇာတံ ဝိရမဏမတၱေမဝ ဣတိ ဝိရတီတိ ေယာဇနာ။
ဧတာယ ဝိရမႏၲီတိပေဒဟိ ဝိရတီတိပဒႆ ကရဏသာဓနဝစနတၳံ ဒေႆတိ။
ဝိရမတီတိပေဒန ဝိရတီတိပဒႆ ကတၱဳသာဓနဝစနတၳံ ဒေႆတိ။
ဝိရမဏမတၱေမဝါတိပေဒန ဝိရတီတိပဒႆ ဘာဝသာဓနဝစနတၳံ ဒေႆတိ။
ဝိပုေဗၺာ ရမု ဥပရေမ။တိ။
****************--**********---************
တတၳ အသမာဒိႏၷသိကၡာပဒါနံ အတၱေနာ ဇာတိဝယဗာဟုသစၥာဒီနိ ပစၥေဝကၡိတြာ "အယုတၱံ အမွာကံ ဧဝရူပံ ပါပံ ကာတု"ႏၲိ သမၸတၱံ ဝတၳဳံ အဝီတိကၠမႏၲာနံ ဥပၸဇၨမာနာ ဝိရတိ "သမၸတၱဝိရတီ"တိ ေဝဒိတဗၺာ။ သီဟဠဒီေပ စကၠနဥပါသကႆ ဝိယ။(နီ၁၄၆)
******************************************
တတၳာတိ တီသု ဝိရတီသု။
သမာဒီယေတတိ သမာဒိႏၷံ။ သမာဒိႏၷံ သိကၡာပဒံ သမာဒိႏၷသိကၡာပဒံ။ နတၳိ သမာဒိႏၷသိကၡာပဒံ ဧေတသံ ပုဂၢလာနႏၲိ အသမာဒိႏၷသိကၡာပဒါ။
ေတသံ။ အသမာဒိႏၷသိကၡာပဒါနံ အဝီတိကၠမႏၲာနံ ဥပၸဇၨမာနာ ဝိရတီတိ သမၺေႏၶာ။
ဇာတိ စ ဝေယာ စ ဗာဟုႆစၥဥၥ ဇာတိဝယဗာဟုႆစၥံ။ ဇာတိဝယဗာဟုႆစၥံ အာဒိ ေယသႏၲိ ဇာတိဝယဗာဟုႆစၥာဒီနိ။
ကႆ ဝိယ? သီဟဠဒီေပ စကၠနဥပါသကႆ ဝိရတိ ဝိယ။
******************************************
တႆ ကိရ ဒဟရကာေလေယဝ မာတုယာ ေရာေဂါ ဥပၸဇၨိ။ ဝေဇၨန စ "အလႅသသမံသံ လဒၶဳံ ဝဋၬတီ"တိ ဝုတၱံ။ တေတာ စကၠနႆ ဘာတာ "ဂစၧ တာတ ေခတၱံ အာဟိ႑ာဟီ"တိ စကၠနံ ေပေသသိ။ေသာ တတၳ ဂေတာ ။တသၼိဥၥ သမေယ ဧေကာ သေသာ တရုသႆံ ခါဒိတုံ အာဂေတာ ေဟာတိ။ေသာ တံ ဒိသြာဝ ေဝေဂန ဓာဝေႏၲာ ဝလႅိယာ ဗေဒၶါ "ကိရိ ကိရီ"တိ သဒၵမကာသိ။ စကၠေနာ ေတန သေဒၵန ဂႏ႖ာ တံ ဂေဟတြာ စိေႏၲသိ "မာတု ေဘသဇၨံ ကေရာမီ"တိ- ပုန စိေႏၲသိ "န ေမ ပတိရူပံ-  ယြာဟံ  မာတု ဇီဝိတကာရဏာ ပရံ ဇီဝိတာ ေဝါေရာေပယ်"ႏၲိ။ အထ နံ "ဂစၧ အရေည သေသဟိ သဒၶႎ  တိေဏာဒကံ ပရိဘုဥၨာ"တိ မုဥၥိ။
ဘာတရာ စ "ကႎ တာတ သေသာ လေဒၶါ"တိ ပုစၧိေတာ တံ ပဝတၱႎ အာစိကၡိ။တေတာ နံ ဘာတာ ပရိဘာသိ။ေသာ မာတုသႏၲိကံ ဂႏ႖ာ
"ယေတာ အဟံ ဇာေတာ - နာဘိဇာနာမိ သဥၥိစၥ ပါဏံ ဇီဝိတာ ေဝါေရာေပတာ"တိ သစၥံ ဝတြာ အ႒ာသိ- တာဝေဒဝႆ မာတာ အေရာဂါ အေဟာသိ။(နီ၁၄၆)
******************---***********----*********
တႆာတိ စကၠနႆ။ ဝိႏၵတီတိ ေဝေဇၨာ။ဝိဒ ဉာေဏ။ေဏ်ာ။ေဆးဆရာ။
အလတိ သမေတၳတီတိ အလႅံ။ အလ သမေတၳ- ေလာ။စိုေသာ။ သသတိ ပလေဝန ဂစၧတီတိ သေသာ- ပႅဳတဂတိယံ - အ။ ယုန္။
မညေတတိ မံသံ-- မန ဉေဏ-- ေသာ။ ဓာတြႏၲနကာရႆ နိဂၢဟိတံ။ အသား။
သသႆ မံသံ သသမံသံ။ အလႅံ သသမံသံ အလႅသသမံသံ။

အ႒သာလိနီ(၁၂၇/၈)

ဧဝံ သေနၱ ေနဝ ဒြါရဝဝတၳာနံ ယုဇၨတိ , န ကမၼဝဝတၳာနံ။ကထံ? ကာယဝိညတၱိယဥွိ "ဒြါေရ စရနၱိ ကမၼာနီ"တိ ဝစနေတာ ဝစီကမၼမၸိ ပဝတၱတိ၊ေတနႆာ "ကာယကမၼဒြါရ"နၱိ ဝဝတၳာနံ န ယုတၱံ။

ကာယကမၼဥၥ ဝစီဝိညတၱိယမၸိ ပဝတၱတိ၊ေတနႆ "ကာယကမၼ"နၱိ ဝဝတၳာနၤ န ယုဇၨတီတိ၊ ေနာ န ယုဇၨတိ။

ကသၼာ? ေယဘုယ်ဝုတၱိတာယ ေစဝ တဗၺဟုလဝုတၱိတာယ စ။(နီ၁၂၇)

***********************************

ဧဝံ သေနၱတိ ယထာဝုတၱံ ဝဝတၳာနနိယမံ (ပိုင္းျခားသတ္မွတ္ျခင္း၌ ျမဲေသာအမွတ္အသားကို) အဂၢေဟတြာ "ဒြါေရ စရနၱိ ကမၼာနီ"တိအာဒိဝစနေမဝ ဂေဟတြာ ေစာေဒတိ။ တတၳ ဧဝံ သေနၱတိ ကမၼာနံ ဒြါရနၱရစရေဏ အညမေညန စ ဝဝတၳာေန နာမလာေဘ ဝိေသသေန သတီတိ အေတၳာ။(ဋီ)

ဒြါရဝဝတၳာနနၱိ ဒြါရႆ ကေမၼန ဝဝတၳာနံ။ ကမၼဝဝတၳာနနၱိ ကမၼႆ ဒြါေရန ဝဝတၳာနံ။

ေတနႆာတိ ဧတၳ ေတနာတိ ကာယဒြါေရပိ ဝစီကမၼႆ ပဝတၱနေတာ၊ အႆာတိ ကာယဝိညတၱိယာ။

ေတနႆာတိ ဧတၳ ေတနာတိ ကာယကမၼႆ ဝစီဒြါေရ ပဝတၱနေတာ၊အႆာတိ ကာယကမၼႆ။

ဝတၱီယေတ ဝုတၱိ၊ဝတၱဳ ဝတၱေန၊တိ၊အႆု။ ေယဘုေယ်န ဝုတၱိ အႆာ ကာယဝိညတၱိယာတိ ေယဘုယ်ဝုတၱိ၊ေယဘုယ်ဝုတၱိယာ ဘာေဝါ ေယဘုယ်ဝုတၱိတာ။

ဗဟုလာ ဝုတၱိ ဗဟုလဝုတၱိ၊တသၼႎ ဗဟုလဝုတၱိ အႆာ ကာယဝိညတၱိယာတိ တဗၺဟုလဝုတၱိ၊တဗၺဟုလဝုတၱိယာ ဘာေဝါ တဗၺဟုလဝုတၱိတာ။

*************************************

ကာယကမၼေမဝ ဟိ ေယဘုေယ်န ကာယဝိညတၱိယံ ပဝတၱၱတိ, န ဣတရာနိ။ တသၼာ ကာယကမၼႆ ေယဘုေယ်န ပဝတၱိေတာ တႆာ ကာယကမၼဒြါရဘာေဝါ သိေဒၶါ၊ျဗာဟၼဏဂါမအမၺဝနနာဂဝနာဒီနံ ျဗာဟၼဏဂါမာဒိဘာေဝါ ဝိယာတိ ဒြါရဝဝတၳာနံ ယုဇၨတိ။ ကာယကမၼံ ပန ကာယဒြါရမွိေယဝ ဗဟုလံ ပဝတၱတိ၊ အပၸံ ဝစီဒြါေရ၊ တသၼာ ကာယဒြါေရ ဗဟုလံ ပဝတၱိေတာ ဧတႆ ကာယကမၼဘာေဝါ သိေဒၶါ၊ ဝနစရကထုလႅကုမာရိကာဒိေဂါစရာနံ ဝနစရကာဒိဘာေဝါ ဝိယာတိ ဧဝံ ကမၼဝဝတၳာနမၸိ ယုဇၨတီတိ။

ကာယကမၼဒြါရကထာ နိ႒ိတာ။(နီ၁၂၇/၁၂၈)

******************************************

ကာယကမၼေမဝ ဟီတိအာဒိ ဝိတၳာေရာ။

အ႒သာလိနီ(၁၂၇)

တတၳ ကေမၼနာပိ ဒြါရံ နာမံ လဘတိ၊ဒြါေရနာပိ ကမၼံ။ယထာ ဟိ ဝိညာဏာဒီနံ ဥပၸဇၨန႒ာနာနိ ဝိညာဏဒြါရံ ဖႆဒြါရံ အသံဝရဒြါရံ သံဝရဒြါရႏၱိ နာမံ လဘႏၱိ၊

ဧဝံ  ကာယကမၼႆ ဥပၸဇၨန႒ာနံ "ကာယကမၼဒြါရ"ႏၱိ နာမံ လဘတိ။ ဧဝံ ဝဇီမေနာကမၼဒြါေရသုပိ ဧေသဝ နေယာ။(နီ၁၂၇)

**************************************

အညမညံ ဝဝတၳိတဘာဝံ ဝိတၳာေရန ဒေႆေနၱာ အာဟ "တတၳာ"တိအာဒိ။

တတၳာတိ ေတသု ဒြါရကေမၼသု။

ဒြရႏၱိ သံဝရႏၱိ ရကၡနၱိ ဧေတနာတိ ဒြါရံ၊တံခါး။ဒြရ သံဝရေဏ၊ေဏာ။

ဒြါရံ ဝိယ ဒြါရံ။

ကာယကမၼႆ ဥပၸဇၨန႒ာနနၱိ တံသဟဇာတာ ဝိညတၱိေယဝ ဝုစၥတိ။ကိဥၥာပိ ဟိ သာ တႆ ေကနစိ ပကာေရန ပစၥေယာ န ေဟာတိ၊တထာပိ ကမၼႆ ဝိေသသိကာ ဝိညတၱိ တံသဟဇာတာ ေဟာတီတိ တႆ ဥပၸတၱိ႒ာနဘာေဝန ဝုတၱာ ယထာဝုတၱနိယေမန အညဝိေသသနႆ ကမၼႆ ဝိေသသနႏၱေရ ဥပၸတၱိအဘာဝါ။(ဋီ)

ကာယကမၼႆ ဥပၸဇၨန႒ာနနၱိ ဧေတန ကာယကမၼႆ ဒြါရံ ကာယကမၼဒြါရနၱိ ဝစနတၳံ ဒေႆတိ။

++++++++++++++++++++++

ယထာ ပန တသၼႎ တသၼႎ ရုေကၡ အဓိဝတၳာ ေဒဝတာ သိမၺလိေဒဝတာ ပလာသေဒဝတာ ပုစိမႏၵေဒဝတာ ဖႏၵနေဒဝတာတိ ေတန ေတန ရုေကၡန နာမံ လဘတိ၊ ဧဝေမဝ ကာယဒြါေရန ကတံ ကမၼမၸိ ကာယကမၼႏၱိ ဒြါေရန နာမံ လဘတိ၊ ဝစီကမၼမေနာကေမၼသုပိ ဧေသဝ နေယာ။(နီ)

************************************

ဒြါေရန နာမလာေဘ ဥပမာယ ဒေႆေနၱာ အာဟ "ယထာ ပနာ"တိအာဒိ။

++++++++++++++++++++++

တတၳ အေညာ ကာေယာ အညံ ကမၼံ၊ ကာေယန ပန ကတတၱာ တံ "ကာယကမၼ"နၱိ ဝုစၥတိ။ ေတနာဟု အ႒ကထာစရိယာ-----

"ကာေယန ေစ ကတံ ကမၼံ၊"ကာယကမၼ'နၱိ ဝုစၥတိ။

ကာေယာ စ ကာယကမၼဥၥ၊ အညမညံ ဝဝတၳိတာ။

သူစိယာ ေစ ကတံ ကမၼံ၊ 'သူစိကမၼ'နၱိ ဝုစၥတိ။

သူစိ စ သူစိကမၼဥၥ၊ အညအညံ ဝဝတၳိတာ။

ဝါသိယာ ေစ ကတံ ကမၼံ၊ 'ဝါသိကမၼ'နၱိ ဝုစၥတိ။

ဝါသိ စ ဝါသိကမၼဥၥ၊ အညမညံ ဝဝတၳိတာ။

ပုရိေသန ေစ ကတံ ကမၼံ၊ 'ပုရိသကမၼ'နၱိ ဝုစၥတိ။

ပုရိေသာ စ ပုရိသကမၼဥၥ၊ အညမညံ ဝဝတၳိတာ။

ဧဝေမဝံ

ကာေယန ေစ ကတံ ကမၼံ၊ 'ကာယကမၼ'နၱိ ဝုစၥတိ။

ကာေယာ စ ကာယကမၼဥၥ၊ အညမညံ ဝဝတၳိတာ"တိ။(နီ၁၂၇)

***********************************

ဣဒါနိ ကာယဥၥ ကမၼဥၥ ဝိဘဇိတြာ ဒေႆေနၱာ အာဟ "တတၳာ"တိအာဒိ။

တတၳာတိ ေတသု ကာယကေမၼသု။

ကာေယန ပန ကတတၱာတိ ကာယဝိညတၱႎ ဇေနတြာ တာယ ဇီဝိတိျႏၵိယုပေစၦဒါဒိနိပၹါဒနေတာ အတၱေနာ နိပၹတၱိဝေသန "ကာေယန ကတံ ကမၼ"နၱိ ဝုတၱံ။ ကာရဏဘူေတာ ဟိ ပေနတၳ ကာေယာတိ။

အညမညံ ဝဝတၳိတာတိ ဧတၳ ကမၼဳနာ ကာေယာ ကာယကမၼဒြါရနၱိ ဧဝံ ဝဝတၳိတာ၊ န ကာေယာ ဣေစၥဝ။  ယထာ သူစိ ကမၼဳနာ (အလုပ္ျဖင္႔) သူစိကမၼကရဏနၱိ (အပ္အမွဳကိုျပဳေၾကာင္းဟူ၍)  ဝဝတၳိတာ၊ န သူစိ ဣေစၥဝ၊ တထာ ဣဒမၸိ(ဤကာယကမၼဒြါရကိုလည္း) ဒ႒ဗၺံ။ 

အညမညံ ဝဝတၳိတာတိ စ အညမညံ ဝိေသသိတာတိ အေတၳာ။(ဋီ)

++++++++++++++++++++++

အ႒သာလိနီ(၁၂၆)

ယာ ပန တသၼႎ ဒြါေရ သိဒၶါ ေစတနာ၊ယာယ ပါဏံ ဟနတိ၊အဒိႏၷံ အာဒိယတိ၊မိစၦာစာရံ စရတိ၊ပါဏာတိပါတာဒီဟိ ဝိရမတိ။ဣဒံ ကာယကမၼံ နာမ။ ဧဝံ ပရဝါဒိမွိ သတိ ကာေယာ ဒြါရံ၊တမွိ ဒြါေရ သိဒၶါ ေစတနာ ကာယကမၼံ ကုသလံ ဝါ အကုသလံ ဝါတိ ဌေပတဗၺံ။ပရဝါဒိမွိ ပန အသတိ အဗ်ာကတံ ဝါတိ တိကံ ပူေရတြာဝ ဌေပတဗၺံ။(နီ၁၂၆)

**************************************

ဧဝံ ဒြါရံ ဒေႆတြာ ဣဒါနိ ကမၼံ ဒေႆေနၱာ အာဟ "ယာ ပနာ"တိအာဒိ။

တသၼႎ ဒြါေရတိ တသၼႎ ကာယဒြါေရ။ သိဒၶါတိ ပါကဋာ။

**တသၼႎ ဒြါေရ သိဒၶါတိ ေတန ဒြါေရန ဝိညာတဗၺဘာဝေတာ ေတေနဝ ဒြါေရန နာမလာဘေတာ တသၼႎ ဒြါေရ ပါကဋဘာဝဝေသန သိဒၶါ။(ဋီ)

ယာယာတိ ေစတနာယ။

**ကုသလံ ဝါ အကုသလံ ဝါတိ ဌေပတဗၺံ။ ကသၼာ? ယသၼာ ပရဝါဒိေနာ အဝိပါကႆ ကမၼဘာေဝါ န သိေဒၶါ၊ ဣတရႆ ပန သိေဒၶါတိ ဝိညတၱိသမု႒ာပကာနံ ဧကာဒသႏၷံ ကိရိယစိတၱာနံ ဝေသန တိကံ ပူေရတြာ ဌေပတဗၺံ။(ဋီ)

**************************************

တတၳ ယထာ နဂရဒြါရံ ကတ႒ာေနေယဝ တိ႒တိ၊အဂၤဳလမတၱမၸိ အပရာပရံ န သကၤမတိ၊ေတန ေတန ပန ဒြါေရန မဟာဇေနာ သဥၥရတိ၊ဧဝေမဝ ဒြါေရ ဒြါရံ န သဥၥရတိ၊ကမၼံ ပန တသၼႎ တသၼႎ ဒြါေရ ဥပၸဇၨနေတာ စရတိ၊၊ ေတနာဟု--

"ဒြါေရ စရနၱိ ကမၼာနိ၊န ဒြါရာ ဒြါရစာရိေနာ။

တသၼာ ဒြါေရဟိ ကမၼာနိ၊အညမညံ ဝဝတၳိတာ"တိ။(နီ၁၂၆)

*************************************

ဣဒါနိ ကမၼဝဝတၳာနံ ဒြါရဝဝတၳာနဥၥ ဒေႆေႏၱာ အာဟ "တတၳာ"တိအာဒိ။

တတၳာတိ ေတသု ဒြါရကေမၼသု။

တတၳာတိပဒံ ဒြါေရ ကမၼႏၱိပေဒသု နိဒၶါရဏသမုေယာ။

ကမၼာနိ ဒြါေရ ဒြါရႏၱေရ စရႏၱိ ပဝတၱႏၱိ၊ဒြါရာ ဒြါရစာရိေနာ ဒြါရႏၱရပဝတၱနကာ န ေဟာႏၱိ၊တသၼာ ဒြါေရဟိ ကရဏဘူေတဟိ ကမၼာနိ အညမညံ ဝဝတၳိတာ။

**ဒြါေရ စရႏၱိ ကမၼာနီတိ ဧတၳ အယမဓိပၸါေယာ-- ယဒိ ဒြါရာ ဒြါရနၱရစာရိေနာ ေဟာႏၱိ၊ ဒြါရသေမၻဒါ ကမၼသေမၻေဒါပီတိ ကာယကမၼံ ကာယကမၼဒြါရႏၱိ အညမညဝဝတၳာနံ န သိယာ၊ ကမၼာနမၸိ ကမၼႏၱရစရေဏ ဧေသဝ နေယာ။ ယဒိ ပန ဒြါရာနမၸိ ဒြါရဘာေဝန ကမၼႏၱရစရဏံ ကမၼာနဥၥ ဒြါရႏၱရစရဏံ န သိယာ၊ သု႒ဳတရံ ကမၼဒြါရဝဝတၳာနံ သိယာ။

န ပန ကမၼာနံ ဒြါရႏၱေရ အစရဏံ အတၳိ၊ကိႏၱဳ ဒြါေရ အညသၼိဥၥ စရႏၱိ ကမၼာနိ အညာနိပိ။ယသၼာ ပန ဒြါေရ ဒြါရာနိ န စရႏၱိ၊တသၼာ အဒြါရစာရီဟိ ဒြါေရဟိ ကာရဏဘူေတဟိ ကမၼာနိ ဒြါရႏၱေရ စရႏၱာနိပိ ဝဝတၳိတာနိ။ န ေကဝလံ ကမၼာေနဝ၊ေတဟိ ပန ဒြါရာနိပီတိ ဧဝံ ကမၼဒြါရာနိ အညမညံ ဝဝတၳိတာနိ "ေယဘုေယ်န ဝုတၱိတာယ တဗၺဟုလဝုတၱိတာယ စာ"တိ ဝုစၥမာနာယ ဝဝတၳာနယုတၱိယာ။

တတၳ ဒြါရာေပကၡတၱာ ကမၼာနံ ကာယကမၼာဒိဘာဝႆ အဒြါရစာရီဟိ ဒြါေရဟိ ဝဝတၳာနံ ေဟာတိ၊ န ပန ဒြါရႏၱရစာရီဟိ ကေမၼဟိ ဒြါရာနံ  အဝဝတၳာနံ ကမၼာနေပကၡကာယဒြါရာဒိဘာေဝဟိ ဒြါေရဟိ ဝဝတၳိတာနံ ကာယကမၼာဒီနံ ကာယကမၼဒြါရာဒိဝဝတၳာနကရတၱာ။

အထ ဝါ ဒြါရႏၱေရ စရႏၱာနိပိ ကာယာဒီဟိ ဥပလကၡိတာေနဝ စရႏၱိ ပါဏာတိပါတာဒီနံ ဧဝံသဘာဝတၱာ အာဏတၱိဟတၳဝိကာရာဒီဟိ ဝုစၥမာနႆပိ ကာယာဒီဟိ သာေဓတဗၺသဘာဝါဝေဗာဓေတာ၊

တသၼာ န ကမၼႏၱရႆ အတၱနိ စရႏၱႆပိ ဒြါရႏၱရံ သနာမံ ေဒတိ၊ နာပိ ကမၼံ ဒြါရႆ၊ တံတံဒြါရေမဝ ပန ကမၼႆ ကမၼဥၥ ဒြါရႏၱေရ စရႏၱမၸိ အတၱေနာေယဝ ဒြါရႆ နာမံ ေဒတီတိ သိဒၶံ အညမညဝဝတၳာနံ။

ပုေဗၺ ပန ဒြါေရသု အနိဗဒၶတာ ကမၼာနံ ဒြါရႏၱရစရဏေမဝ သႏၶာယ ဝုတၱာ၊န ဧတံ ဝဝတၳာနႏၱိ။(ဋီ)

အ႒သာလိနီ(၁၂၆)

စိတၱသမု႒ာနိေက ပန ကာေယ စလေႏၱ ေတသမု႒ာနိေကာ စလတိ န စလတီတိ ။ ေသာပိ တေထဝ စလတိ , တံဂတိေကာ တဒႏုဝတၱိေကာဝ ေဟာတိ။ ယထာ ဟိ ဥဒေက ဂစၦေႏၱ ဥဒေက ပတိတာနိ သုကၡဒ႑ကတိဏပဏၰာဒီနိပိ ဥဒကဂတိကာေနဝ ဘဝႏၱိ ၊တသၼႎ ဂစၦေႏၱ ဂစၦႏၱိ၊တိ႒ေႏၱ တိ႒ႏၱိ။ ဧဝံသမၸဒမိဒံ ေဝဒိတဗၺံ။ ဧဝေမသာ စိတၱသမု႒ာေနသု ရူေပသု ဝိညတၱိ ကာယကမၼဒြါရံ နာမာတိ ေဝဒိတဗၺာ။(နီ၁၂၆)

***********************************

အတၱနာ သဟဇာတံ ရူပကာယံ စာေလတီတိ ဝုတၱတၱာ ေစာဒနံ သမု႒ာေပတိ စိတၱသမု႒ာနိေကတ်ာဒိနာ။

ေသာပီတိ ေတသမု႒ာနိေကာ။

တံဂတိေကာတိ တႆ စိတၱသမု႒ာနိကကာယႆ ဂတိ ဝိယ ဂတိ အႆ ေတသမု႒ာနိကကာယႆာတိ တံဂတိေကာ။ တဂတိေကာတိ ဝတၱေဗၺ ပုေဗၺ နိဂၢဟီတာဂမံ ကတြာ ဝုတၱံ။ ယတသဒၵါ သမာသမွိ၊ သဒၶႎ ပရပေဒန ေစ။ နိဂၢဟီတာဂေမာ ပုေဗၺ၊ေဒြဘာေဝါ ဝါ ပေရာ သိယာတိ ဟိ ဝုတၱံ။

တဒႏုဝတၱိေကာတိ တႆ စိတၱသမု႒ာနိကကာယႆ အႏုဝတၱေကာ။

ဝုတၱေမဝတၳံ ဥပမာယ သာေဓေႏၱာ "ယထာ ဟီ"တိအာဒိမာဟ။

ဒ႑ေကာ စ  တိဏဥၥ ပဏၰဥၥ ဒ႑ကတိဏပဏၰံ၊ သုကၡံ ဒ႑ကတိဏပဏၰံ သုကၡဒ႑ကတိဏပဏၰံ။ သုကၡဒ႑ကတိဏပဏၰံ အာဒိ ေယသံတိ သုကၡဒ႑ကတိဏပဏၰာဒီနိ။

ဧဝေမသာတိအာဒိ နိဂမနံ။

အ႒သာလိနီ(၁၂၆)

န ေကဝလေဥၥသာ ဝိညာပနေတာဝ ဝိညတၱိ နာမ၊ ဝိေညယ်ေတာပိ ပန ဝိညတၱိေယဝ နာမ။အယဥွိ ပေရသံ အႏၱမေသာ တိရိစၦာနဂတာနမၸိ ပါကဋာ ေဟာတိ၊တတၳ တတၳ သႏၷိပတိတာ ဟိ ေသာဏသိဂၤါလကာကေဂါဏာဒေယာ ဒ႑ံ ဝါ ေလၮဳံ ဝါ ဂေဟတြာ ပဟရဏာကာေရ ဒႆိေတ "အယံ ေနာ ပဟရိတုကာေမာ"တိ ဉတြာ ေယန ဝါ ေတန ဝါ ပလာယႏၱိ။ ပါကာရကု႗ာဒိအႏၱရိကႆ ပန ပရႆ အပါကဋကာေလာပိ အတၳိ၊ကိဥၥာပိ တသၼႎ ခေဏ အပါကဋာ၊သမၼဳခီဘူတာနံ ပန ပါကဋတၱာ ဝိညတၱိေယဝ နာမ ေဟာတိ။(နီ၁၂၆)

**************************************

ဝိညတၱိဘာေဝ အညမၸိ ကာရဏံ ဒေႆတုံ "န ေကဝလေဥၥသာ"တိအာဒိ ဝုတၱံ။ စသေဒၵါ ဝါက်ာရေမၻာ။ ဧသာတိ ဝိကာရဇာတိ။ ဝိေညယ်ေတာတိပေဒန "ဝိညာယတီတိ ဝိညတၱီ"တိ ကမၼသာဓနံ ဒေႆတိ။

"အယဥွီ"တိအာဒိ ဝိတၳာေရာ။ဟိ ဝိတၳာရယိႆာမိ အယံ ဝိညတၱိ ပေရသံ စိေတၱ အနၱမေသာ တိရစၦာနဂတာနံ စိေတၱပိ ပါကဋာ ေဟာတိ။ ပါကဋာ ေဟာတီတိ ဝုတၱမတၳံ ဒဠွီကရေဏန ဒေႆေနၱာ အာဟ "တတၳ တတၳာ"တိအာဒိ။

သုေဏာတီတိ ေသာေဏာ၊သု သဝေန၊ေဏာ။ေခြး။

သသာဒေယာ သရတိ ဟႎသတီတိ သိဂၤါေလာ၊သရ ဟႎသာယံ၊ကာေလာ၊သရတိႆ သိေဂၤါ၊ေျမေခြး။

ကကတီတိ ကာေကာ၊ကက ေလာလိစၦာဂေဗၻသု၊ေဏာ။

က်ီး။ ဒ႑တိ အာဏံ ကေရာတိ ဧေတနာတိ ဒေ႑ာ။ ဒဍိ အာဏာယံ၊ေကာ။ဒုတ္။ ပဟရဏႆ အာကာေရာ ပဟရဏာကာေရာ။

**အယံ ေနာ ပဟရိတုကာေမာတိ အဓိပၸါယဝိဇာနေနန ဝိညတၱိယာ ပါကဋဘာဝံ ဒေႆတိ။ န ဟိ တဒပါကဋဘာေဝ အဓိပၸါယဝိဇာနနံ ေဟာတီတိ။(ဋီ)

ပရႆ ပါကဋကာေလ ဝိညတၱိ ေဟာတု၊အပါကဋကာေလ ပန ကထံ ဝိညတၱိ နာမာတိ ေစာဒနံ သႏၶာယာဟ "ပါကာရကု႗ာ"တိအာဒိ။

ပါကာရကု႗ာဒိအႏၱရိကႆာတိ ပါကာရကု႗ာဒီဟိ အႏၱရိကႆ ဗ်ဝဟိတႆ။

**သမၼဳခီ။ပ။နာမ ေဟာတီတ အသမၼဳခီဘူတတာယ အနာပါထဂတာနံ ရူပါဒီနံ စကၡဳဝိေညယ်ာဒိဘာေဝါ ဝိယ သဘာဝဘူတံ တံ ဒြိဓာ (ဝိညာေပတီတိ ဝိညတၱိ, ဝိညာယတီတိ ဝိညတၱိ ဟူေသာ ၂ပါး အျပားအားျဖင္႔) ဝိညတၱိဘာဝံ သာေဓတိ။ ပရံ ေဗာေဓတုကာမတာယ ဝိနာပိ အဘိကၠမနာဒိပၸဝတၱေနန ေသာ စိတၱသဟဘူ ဝိကာေရာ အဓိပၸါယံ ဝိညာေပတိ၊ သယဥၥ ဝိညာယတီတိ ဒြိဓာပိ ဝိညတၱိေယဝါတိ ေဝဒိတဗၺာ။

(ဋီ)

အ႒သာလိနီ(၁၂၅/၆)

ယထာ ဟိ အရေည နိဒါဃသမေယ ဥဒက႒ာေန မႏုႆာ "ဣမာယ သညာယ ဣဓ ဥဒကႆ အတၳိဘာဝံ ဇာနိႆႏၱီ"တိ ရုကၡေဂၢ တာလပဏၰာဒီနိ ဗႏၶာေပႏၱိ၊သုရာပါနဒြါေရ ဓဇံ ဥႆာေပႏၱိ၊ဥစၥံ ဝါ ပန ရုကၡံ ဝါေတာ ပဟရိတြာ စာေလတိ၊အေႏၱာဥဒေက မေစၦ စလေႏၱ ဥပရိ ဗုဗၺဳဠကာနိ ဥ႒ဟႏၱိ၊မေဟာဃႆ ဂတမဂၢပရိယေႏၱ တိဏပဏၰကသဋံ ဥႆာရိတံ ေဟာတိ။ တတၳ တာလပဏၰဓဇသာခါစလနဗုဗၺဳဠကတိဏပဏၰကသေဋ ဒိသြာ ယထာ စကၡဳနာ အဒိ႒မၸိ "ဧတၳ ဥဒကံ ဘဝိႆတိ၊ သုရာ ဘဝိႆတိ၊အယံ ရုေကၡာ ဝါေတန ပဟေတာ ဘဝိႆတိ၊အေႏၱာဥဒေက မေစၦာ ဘဝိႆတိ၊ဧတၱကံ ဌာနံ အေဇၩာတၳရိတြာ ၾသေဃာ ဂေတာ ဘဝိႆတီ"တိ မေနာဝိညာေဏန ဇာနာတိ၊ဧဝေမဝ ဝိညတၱိပိ န စကၡဳဝိေညယ်ာ၊မေနာဝိေညယ်ာဝ။ စကၡဳနာ ဟိ ဟတၳဝိကာရာဒိဝေသန ဝိပၹႏၵမာနံ ဝဏၰာရမၼဏေမဝ ပႆတိ၊ဝိညတၱႎ ပန မေနာဒြါရိကစိေတၱန စိေႏၱတြာ "ဣဒဥၥိဒဥၥ ဧသ ကာေရတိ မေည"တိ ဇာနာတိ။(နီ၁၂၅/၆)

****************************************************

အရတိ ဂစၦတိ မိဂသမူေဟာ ဧတၳာတိ အရညံ၊အရ ဂတိယံ၊အေညာ။ ေတာ။

နိဒဟေႏၱ ယသၼိႏၱိ နိဒါေဃာ၊နိပုေဗၺာ ဒဟ ဒါေဟ၊ေဏာ၊ဟႆ ေဃာ။ေနြ။ ဥႏၵတိ ျဒဝံ ကေရာတီတိ ဥဒကံ၊ ဥႏၵ ကိေလဒေန၊ေကာ၊သံေယာဂါဒိ ေလာေပါ၊အက္ စ။ေရ။

ဥဒကႆ ဌာနံ ဥဒက႒ာနံ။

အနိ႒ဖလဒါယကတၱံ သဝတီတိ သုရာ၊သု သႏၵနဇနနဣႆေရသု၊ရက္၊ဣတၳိယံ အာ။အရက္။သုရာယ ပါနံ သုရာပါနံ၊သုရာပနႆ ဒြါရံ သုရာပါနဒြါရံ။

ယထာဝါတံ ဓဇတီတိ ဓေဇာ၊ ဓဇ ဂတိယံ၊အ။ အလံ။

မသတိ ဇလႏၱိ မေစၦာ၊မသ အာမသေန၊ေဆာ။ ငါး။

**တာလပဏၰာဒိရူပါနိ ဒိသြာ တဒနႏၱရပၸဝတၱာယ မေနာဒြါရဝီထိယာ အဝိညာယမာနႏၱရာယ တာလပဏၰာဒီနံ ဥဒကာဒိသဟစာရိပၸကာရတံသညာဏာကာရံ ဂေဟတြာ ဥဒကာဒိဂၢဟဏံ ဝိယ။(ဋီ)

**သဥၨာနာတိ ဧေတနာတိ သညာဏံ၊တႆ ဥဒကာဒိေနာ သညာဏံ တံသညာဏံ၊တႆ အာကာေရာ တံသညာဏာကာေရာ၊ ဥဒကာဒိသဟစာရိပၸကာေရာ စ ေသာ တံသညာဏာကာေရာ စာတိ ဥဒကာ။ပ။ကာေရာ။(အႏု)

ဧတၳ ဥဒကံ ဘဝိႆတီတိအာဒိနာ စ ဥဒကာဒိသမၺႏၶနာကာေရန ရူပဂၢဟဏာႏုသာရဝိညာေဏန ယံ ဥဒကာဒိ ဝိညာတဗၺံ၊တႆ ဝိဇာနေနန တဒါကာရႆ ဝိညာတတာ ဝုတၱာတိ ဒ႒ဗၺာ။

ဧတႆ ပန ကာယိကကရဏဂၢဟဏႆ( ကာယဒြါရ၌ျဖစ္ေသာအမူအရာကို ယူေႀကာင္းဝီထိ၏၎) ဥဒကာဒိဂၢဟဏႆ စ (ေရစသည္ကို ယူၾကာင္းဝီထိ၎) ပုရိမသိဒၶသမၺႏၶဂၢဟဏံ (ေရွး၌ျပီးျပီးေသာ အဆက္အသြယ္ကို ယူေၾကာင္းဝီထိသည္) ဥပနိႆေယာ ေဟာတီတိ ဒ႒ဗၺံ။

အထ ပန အနာလမၺိတာပိ ဝိညတၱိ ကာယိကကရဏဂၢဟဏႆ စ ပစၥေယာ ပုရိမသိဒၶသမၺႏၶဂၢဟေဏာပနိႆယဝေသန သာဓိပၸါယဝိကာရသဟဘူတဝဏၰဂၢဟဏာနႏၱရံ (အလိုႏွင္႔တကြျဖစ္ေသာ ဝိကာရႏွင္႔တကြျဖစ္ေသာ အဆင္းကို ယူေၾကာင္းဝီထိ၏ အျခားမဲ႕၌) ပဝတၱမာနႆ အဓိပၸါယဂၢဟဏႆ (အလိုကို ယူေၾကာင္းဝီထိ၏) အဓိပၸါယသဟဘူဝိကာရာဘာေဝ (အလိုႏွင္႔တကြျဖစ္ေသာ ဝိကာရ၏ မရွိျခင္းသည္၊သတိ) အဘာဝေတာ၊

ဧဝံ သတိ ဝဏၰဂၢဟဏာနႏၱေရန ဥဒကာဒိဂၢဟေဏေနဝ တာလပဏၰာဒိသညာဏာကာေရာ ဝိယ ဝဏၰဂၢဟဏာနနၱေရန အဓိပၸါယဂၢဟေဏေနဝ ဝိညတၱိ ပါကဋာ ေဟာတီတိ "ဣဒဥၥိဒဥၥ ဧသ ကာေရတိ မေည"တိ အဓိပၸါယဝိဇာနေနေနဝ ဝိညတၱိယာ ဝိညာတတာ ဝုတၱာ။

အ႒သာလိနီ(၁၂၅)

တတၳ ေယာ စိတၱသမု႒ာနိကကာေယာ၊န ေသာ ဝိညတၱိ။စိတၱသမု႒ာနာယ ပန ဝါေယာဓာတုယာ သဟဇာတံ ရူပကာယံ သနၳေမၻတုံ သႏၶာေရတုံ စာေလတုံ ပစၥေယာ ဘဝိတုံ သမေတၳာ ဧေကာ အာကာရဝိကာေရာ အတၳိ၊အယံ ဝိညတၱိ နာမ။ သာ အ႒ ရူပါနိ ဝိယ န စိတၱသမု႒ာနာ။ ယထာ ပန အနိစၥာဒိေဘဒါနံ ဓမၼာနံ ဇရာမရဏတၱာ "ဇရာမရဏံ ဘိကၡေဝ အနိစၥံ သခၤတ"ႏၱိအာဒိ ဝုတၱံ၊ဧဝံ စိတၱသမု႒ာနာနံ ရူပါနံ ဝိညတၱိတာယ သာပိ စိတၱသမု႒ာနာ နာမ ေဟာတိ။(နီ၁၂၅)

**************************************

တတၳာတိ ဥပါဒိႏၷကကာယာဒီသု။

**ဝါေယာဓာတုယာ။ပ။ပစၥေယာ ဘဝိတုႏၱိ ထမၻနစလေနသု ဝါေယာဓာတုယာ ပစၥေယာ ဘဝိတုံ သမေတၳာ စိတၱသမု႒ာနမဟာဘူတာနံ ဧေကာ အာကာရဝိေသေသာ အတၳိ၊ အယံ ဝိညတၱိ နာမ။ ေတသဥွိ တဒါကာရတၱာ ဝါေယာဓာတု ထေမၻတိ စာေလတိ စာတိ။(ဋီ)

သာ ဝိညတၱိ အ႒ ရူပါနိ စိတၱသမု႒ာနာနိ ဝိယ န စိတၱသမု႒ာနာ။

**န စိတၱသမု႒ာနာတိ ဧေတန ပရမတၳေတာ အဘာဝံ ဒေႆတိ။ န ဟိ ရူပံ အပၸစၥယံ အတၳိ၊န စ နိဗၺာနဝေဇၨာ အေတၳာ နိေစၥာ အတၳီတိ။(ဋီ)

ဝိညတၱိတာယာတိ ဝိညတၱိဝိကာရတာယ။ စိတၱသမု႒ာနဘာေဝါ ဝိယ မဟာဘူတဝိကာရတာယ ဥပါဒါရူပဘာေဝါ စ အဓိေပၸေတာတိ ေဝဒိတေဗၺာ။(ဋီ)

********************************************************

ဝိညာပနတၱာ ပေနသာ ဝိညတၱီတိ ဝုစၥတိ။ ကႎ ဝိညာေပတီတိ? ဧကံ ကာယိကကရဏံ။ စကၡဳပထသၼိဥွိ ဌိေတာ ဟတၳံ ဝါ ပါဒံ ဝါ ဥကၡိပတိ၊ သီသံ ဝါ ဘမုကံ ဝါ စာေလတိ။ အယံ ဟတၳာဒီနံ အာကာေရာ စကၡဳဝိေညေယ်ာ ေဟာတိ၊ ဝိညတၱိ ပန န စကၡဳဝိေညယ်ာ၊ မေနာဝိေညယ်ာ ဧဝ။ စကၡဳနာ ဟိ ဟတၳဝိကာရာဒိဝေသန ဝိပၹႏၵမာနံ ဝဏၰာရမၼဏေမဝ ပႆတိ၊ဝိညတၱႎ ပန မေနာဒြါရိကစိေတၱန စိေႏၱတြာ "ဣဒဥၥိဒဥၥ ဧသ ကာေရတိ မေည"တိ ဇာနာတိ။(နီ၁၂၅)

***************************************************

ေကန ကာရေဏန ဝါေယာဓာတုယာ ဝိကာေရာ ဝိညတၱီတိ အာဟ "ဝိညာပနတၱာ"တိအာဒိ။

ဧသာတိ အာကာရဝိကာရဇာတိ။ ဝိညာေပတီတိ ဝိညတၱိ၊ ဝိပုေဗၺာ ဉာ အဝေဗာဓေန၊တိ ကာရိတေလာေပါ။ ကာေယ ပဝတၱံ ကာယိကံ၊ကရီယေတ ကရဏံ၊ကာယိကဥၥ တံ ကရဏၪၥာတိ ကာယိကကရဏံ။

**ကာယိကကရဏႏၱိ ကာယဒြါရပၸဝတၱံ စိတၱကိရိယံ၊အဓိပၸါယႏၱိအေတၳာ။(ဋီ)

ဧကံ ကာယိကကရဏႏၱိ သေခၤေပန ဝုတၱမတၳံ ဝိတၳာေရန ဒေႆေႏၱာ အာဟ "စကၡဳပထသၼိဥွီ"တိအာဒိ။

ပထတိ ယာတိ အေနနာတိ ပေထာ။ပထ ဂတိမွိ၊အ။လမ္း။

စကၡဳႆ ပေထာ စကၡဳပေထာ။ ဟရႏၱိ အေနနာတိ ဟေတၳာ၊ဟရ ဟရေဏ၊ေထာ။လက္။ ပဇၨေတ အေနနာတိ ပါေဒါ၊ပဒ ဂတိမွိ။ေဏာ။ေျခ။သယႏၱိ ဧတၳ ဦကာတိ သီသံ၊သီ သေယ၊သက္။ ဦးေခါင္း။ ဘမတိ စလတီတိ ဘမု၊ဘမ အနဝ႒ာေန၊ဥ။ ဘမုေယဝ ဘမုေကာ။ မ်က္ခုံး။ စကၡဳနာ ဝိေညေယ်ာ စကၡဳဝိေညေယ်ာ။ မေနာဝိေညယ်ာ ဧဝါတိ ဝုတၱမတၳံ သာေဓတုံ "စကၡဳနာ ဟီ"တိအာဒိ ဝုတၱံ။

ဝိညတၱႎ ပန ဇာနာတီတိ သမၺေႏၶာ။

ဧသ ဇေနာ ဣဒဥၥိဒဥၥ ကမၼံ ကာေရတိ မေည ဣတိ ဇာနာတိ။

**ကာေရတိ မေညတိ ဧေတန ဝဏၰဂၢဟဏာႏုသာေရန ဂဟိတာယ ဝိညတၱိယာ ယံ ကရဏံ ဝိညာတဗၺံ၊တႆ ဝိဇာနေနန ဝိညတၱိယာ ဝိညာတတၱံ ဒေႆတိ။ န ဟိ ဝိညတၱိရဟိေတသု ရုကၡစလနာဒီသု "ဣဒေမသ ကာေရတီ"တိ ဝိဇာနနံ ေဟာတီတိ။ စကၡဳဝိညာဏႆ ဟိ ရူေပ အဘိနိပါတမတၱံ ကိစၥံ၊န အဓိပၸါယသဟဘုေနာ စလနဝိကာရႆ ဂဟဏံ။ စိတၱႆ ပန လဟုပရိဝတၱိတာယ စကၡဳဝိညာဏဝီထိယာ အနႏၱရံ မေနာဝိညာေဏန ဝိညာတမၸိ စလနံ စကၡဳနာ ဒိ႒ံ ဝိယ မညႏၱိ အဝိေသသဝိဒုေနာ၊ တသၼာ ယထာ နီလာဘိနိပါတဝသပၸဝတၱာယ စကၡဳဝိညာဏဝီထိယာ နီလႏၱိ ပဝတၱာယ မေနာဝိညာဏဝီထိယာ စ အနႏၱရံ န ဝိညာယတိ၊ ဧဝံ အဝိညာယမာနႏၱေရန မေနာဒြါရဝိညာေဏန ဂဟိေတ တသၼႎ  စိေတၱန သေဟဝ အႏုပရိဝေတၱ ကာယထမၻနဝိကာရေစာပနသခၤါေတ  "ဣဒေမသ ကာေရတိ၊အယမႆ အဓိပၸါေယာ"တိ ဝိဇာနနံ ေဟာတိ။(ဋီ)

အ႒သာလိနီ(၁၂၄)

တတၳ ဧကာဝဇၨနဝီထိယံ သတၱသု ဇဝေနသု ပဌမစိတၱသမု႒ိတာ ဝါေယာဓာတု အတၱနာ သဟဇာတံ ရူပကာယံ သႏၳေမၻတုံ သႏၶာေရတုံ သေကၠာတိ၊အပရာပရံ ပန စာေလတုံ န သေကၠာတိ။ဒုတိယာဒီသုပိ ဧေသဝ နေယာ။သတၱမစိေတၱန ပန သမု႒ိတာ ဝါေယာဓာတု ေဟ႒ာ ဆဟိ စိေတၱဟိ သမု႒ိတံ ဝါေယာဓာတုံ ဥပတၳမၻနပစၥယံ လဘိတြာ အတၱနာ သဟဇာတံ ရူပကာယံ သႏၳေမၻတုံ သႏၶာေရတုံ စာေလတုံ အဘိကၠမာေပတုံ ပဋိကၠမာေပတုံ အာေလာကာေပတုံ ဝိေလာကာေပတုံ သမိဥၨာေပတုံ ပသာရာေပတုံ သေကၠာတိ၊ေတန ဂမနံ နာမ ဇာယတိ၊အာဂမနံ နာမ ဇာယတိ၊ဂမနာဂမနံ နာမ ဇာယတိ၊

"ေယာဇနံ ဂေတာ၊ဒသေယာဇနံ ဂေတာ"တိ ဝတၱဗၺတံ အာပဇၨာေပတိ။(နီ၁၂၄)

**************************************

တတၳာတိ စိတၱသမု႒ိတဝါေယာဓာတူသု၊နိဒၶါရဏံ။ ဧကာဝဇၨနဝီထိယႏၱိ မေနာဒြါရဝီထႎ သႏၶာယ ဝုတၱံ။ပဥၥဒြါရဝီထိယံ ဟိ ေဒြ အာဝဇၨနာနိ ဥပၸဇၨႏၱိ၊မေနာဒြါရဝီထိယံ ပန မေနာဒြါရာဝဇၨနေမဝ။ ဧကံ အာဝဇၨနံ ဧတိႆာတိ ဧကာဝဇၨနာ၊ဧကာဝဇၨနာ စ သာ ဝီထိ စာတိ ဧကာဝဇၨနဝီထိ၊ ပဌမစိတၱသမု႒ိတာတိ ပဌမစိေတၱန သမု႒ိတာ။

**ပဌမဇဝနသမု႒ိတာ ဝါေယာဓာတု ယဒိပိ တသၼႎ ခေဏ ရူပါနံ ေဒသႏၱရုပၸတၱိေဟတုဘာေဝန စာေလတုံ န သေကၠာတိ၊ တထာပိ ဝိညတၱိဝိကာရသဟိတာဝ သာ ေဝဒိတဗၺာ။ ဒသသု ဟိ ဒိသာသု ယံ ဒိသံ ဂႏၱဳကာေမာ၊ အဂၤပစၥဂၤါနိ ဝါ ခိပိတုကာေမာ၊တံဒိသာဘိမုခါေနဝ ရူပါနိ သာ သႏၳေမၻတိ သႏၶာေရတိ စာတိ တဒဘိမုခဘာဝဝိကာရဝတီ ေဟာတိ၊အဓိပၸါယသဟဘာဝီ စ ဝိကာေရာ ဝိညတၱီတိ။ ဧဝဥၥ ကတြာ အာဝဇၨနႆပိ ဝိညတၱိသမု႒ာပကဘာေဝါ ယထာဓိပၸါယဝိကာရရူပုပၸါဒေနန ဥပပေႏၷာ ေဟာတိ၊ ယေတာ ဗာတၱႎသ စိတၱာနိ ရူပိရိယာပထဝိညတၱိဇနကာနိ ဝုတၱာနီတိ။ ေယာဇနံ ဂေတာ၊ ဒသေယာဇနံ ဂေတာတိ ဝတၱဗၺတံ အာပဇၨာေပတိ အေနကသဟႆဝါရံ ဥပၸႏၷာ။(ဋီ)

ေတနာတိ သတၱမစိတၱသမု႒ိတဝါေယာဓာတုယာ။ သကၠေနန ဝါ။ ဂမနံ နာမ ဇာယတီတိ အဘိကၠမံ သႏၶာယ ဝုတၱံ။ အာဂမနံ နာမ ဇာယတီတိ ပဋိကၠမံ သႏၶာယ ဝုတၱံ။ ဂမနာဂမနံ နာမ ဇာယတီတိ အဘိကၠမပဋိကၠမံ သႏၶာယ ဝုတၱံ။

**************************************

ယထာ ဟိ သတၱဟိ ယုေဂဟိ အာကၯိတေဗၺ သကေဋ ပထမယုေဂ ယုတၱေဂါဏာ ယုဂံ တာဝ သႏၳေမၻတုံ သႏၶာေရတုံ သေကၠာႏၱိ၊စကၠံ ပန န ပဝေ႗ႏၱိ။ ဒုတိယာဒီသုပိ ဧေသဝ နေယာ။သတၱမယုေဂ ပန ေဂါေဏ ေယာေဇတြာ ယဒါ ေဆေကာ သာရထိ ခုေရ နိသီဒိတြာ ေယာတၱာနိ အာဒါယ သဗၺပုရိမေတာ ပ႒ာယ ပေတာဒလ႒ိယာ ေဂါေဏ အာေကာေဋတိ၊တဒါ သေဗၺဝ ဧကဗလာ ဟုတြာ ဓုရဥၥ သႏၶာေရႏၱိ၊ စကၠာနိ စ ပဝေ႗ႏၱိ။ "သကဋံ ဂေဟတြာ ဒသေယာဇနံ ဝီသတိေယာဇနံ ဂတာ"တိ ဝတၱဗၺတံ အာပါေဒႏၱိ။ဧဝံသမၸဒမိဒံ ေဝဒိတဗၺံ။(နီ၁၂၅)

**************************************

ဝုတၱေမဝတၳံ ဥပမာယ သာေဓေႏၱာ အာဟ "ယထာ ဟီ"တိအာဒိ။

သေကၠာတိ ဘာရံ ဝဟိတုႏၱိ သကေဋာ၊သက သတၱိယံ၊အေဋာ။

လွည္း။

စကၠတိ အပရာပရံ ပရိဝတၱတီတိ စကၠံ၊စကၠ ပရိဝတၱေန။အ။လွည္းဘီး။ ဂစၦတီတိ ေဂါေဏာ၊ဂမု ဂတိမွိ၊ဏက္။ဂမိႆ ၾသ။ ႏြား။

သာေရတီတိ သာရထိ၊သရ ဂတိမွိ ၊ကာရိတေလာေပါ ရထိ။ လွည္းသမား။ ေယာဇႏၱိ အေနနာတိ ေယာတၱံ၊ယုဇ ေယာဇေန၊ေတာ။ၾကိဳး။ သဗၺပုရိမေတာတိ သေဗၺသံ ပုရိမေတာ။ သမၸဇၨနံ သမၸဒါ၊ျပီးစီးျခင္း။ ဧဝံ သမၸဒါ ယႆာတိ ဧဝံသမၸဒံ။ ဣဒႏၱိ ဥပေမယ်ံ။

အ႒သာလိနီ(၁၂၄)

ေတသု ကာယကမၼဒြါရႏၱိ ေနဝ ဥပါဒိနၷကကာယႆ နာမံ, န ဣတေရသံ။ စိတၱသမု႒ာေနသု ပန အ႒သု ရူေပသု ဧကာ ဝိညတၱိ အတၳိ၊ဣဒံ ကာယကမၼဒြါရံ နာမ၊ယံ သႏၶာယ ဝုတၱံ"ကတမံ တံ ရူပံ ကာယဝိညတၱိ? ယာ ကုသလစိတၱႆ ဝါ အကုသလစိတၱႆ ဝါ အဗ်ာကတစိတၱႆ ဝါ အဘိကၠမႏၱႆ ဝါ ပဋိကၠမႏၱႆ ဝါ အာေလာေကႏၱႆ ဝါ ဝိေလာေကႏၱႆ ဝါ သမိေဥၨႏၱႆ ဝါ ပသာေရနၱႆ ဝါ ကာယႆ ထမၻနာ သနၳမၻနာ သနၳမၻိတတၱံ ဝိညတၱိ ဝိညာပနာ ဝိညာပိတတၱံ၊ဣဒံ တံ ရူပံ ကာယဝိညတၱီ"တိ။

(နီ၁၂၄)

**************************************

ေတသူတိ ဥပါဒိနၷကကာယာဒီသု။

ကာယကမၼဒြါရႏၱိ ဣဒံ ကႆ နာမႏၱိ အာဟ "စိတၱသမု႒ာေနသူ"တိအာဒိ။ပနသေဒၵါ အႏြယတၳေဇာတေကာ။ ရူေပသူတိပဒံ အတၳီတိပေဒ အာဓာေရာ။ ဣဒႏၱိ ကာယဝိညတၱိ။ ယႏၱိ ကာယကမၼဒြါရံ။ သႏၶာယ ဘဂဝတာ ဝုတၱံ။ ကာယဝိညတၱိ တံ ရူပံ ကတမံ? ကုသလစိတၱႆ ဝါ အကုသလစိတၱႆ ဝါ အဗ်ာကတစိတၱႆ ဝါ အဘိကၠမနၱႆ ဝါ ပဋိကၠမနၱႆ ဝါ အာေလာေကနၱႆ ဝါ ဝိေလာေကနၱႆ ဝါ သမိေဥၨနၱႆ ဝါ ပသာေရနၱႆ ဝါ ကာယႆ ယာ ထမၻနာ ယာ သနၳမၻနာ ယံ သနၳမၻိတတၱံ ယာ ဝိညတၱိ ယာ ဝိညာပနာ ယံ ဝိညာပိတတၱံ အတၳိ။

ကာယဝိညတၱိ တံ ရူပံ ဣဒနၱိ ေယာဇနာ။

ကုသလစိတၱႆာတိပဒံ အဘိကၠမနၱႆာတိအာဒိပေဒ ဝိေသသနံ။ ဝါသေဒၵါ အနိယမေတၳာ။ အကုသလစိတၱႆ ဝါ အဗ်ာကတစိတၱႆ ဝါတိပေဒသု  ဧေသဝ နေယာ။ အဘိကၠမႏၱႆာတိပဒံ ကာယႆာတိပေဒ သမၺေႏၶာ။ ဝါသေဒၵါ ဝိကပၸနေတၳာ။  ပဋိကၠမႏၱႆ ဝါ။ပ။ပသာေရနၱႆ ဝါတိပေဒသု ဧေသဝ နေယာ။ ကာယႆာတိပဒံ ထမၻနာတိအာဒိပေဒ ကမၼံ။

**************************************

"အဘိကၠမိႆာမိ ပဋိကၠမိႆာမီ"တိ ဟိ စိတၱံ ဥပၸဇၨမာနံ ရူပံ သမု႒ာေပတိ။တတၳ ယာ ပထဝီဓာတု အာေပါဓာတု ေတေဇာဓာတု ဝါေယာဓာတု တႏၷိႆိေတာ ဝေဏၰာ ဂေႏၶာ ရေသာ ၾသဇာတိ ဣေမသံ အ႒ႏၷံ ရူပကလာပါနံ အဗၻႏၱေရ စိတၱသမု႒ာနာ ဝါေယာဓာတု၊သာ အတၱနာ သဟဇာတံ ရူပကာယံ သႏၳေမၻတိ သႏၶာေရတိ စာေလတိ အဘိကၠမာေပတိ ပဋိကၠမာေပတိ။(နီ၁၂၄)

*************************************

အဘိကၠမိႆာမီတိအာဒိ ဝိတၳာေရာ၊ တတၳာတိ ရူပသမု႒ာပေန။ တႏၷိႆိေတာတိ တသၼႎ စတုဓာတုမွိ နိႆိေတာ။

အ႒သာလိနီ(၁၂၃/၁၂၄)

ဣမႆ ပနတၳႆ ပကာသနတၳံ ဣသၼႎ ဌာေန မဟာအ႒ကထာယံ ဒြါရကထာ ကထိတာ။ တတၳ တီဏိ ကမၼာနိ, တီဏိ ကမၼဒြါရာနိ, ပဥၥ ဝိညာဏာနိ, ပဥၥ ဝိညာဏဒြါရာနိ, ဆ ဖႆာ, ဆ ဖႆဒြါရာနိ, အ႒ အသံဝရာ, အ႒ အသံဝရဒြါရာနိ, အ႒ သံဝရာ, အ႒ သံဝရဒြါရာနိ, ဒသ ကုသလကမၼပထာ, ဒသ အကုသလကမၼပထာတိ ဣဒံ ဧတၱကံ ဒြါရကထာယ မာတိကာဌပနံ နာမ။(နီ၁၂၃)

************************************

ဣမႆ ပနတၳႆာတိ ကမၼဒြါရာနံ အညမညသၼႎ အနိယတတာယ "ဒြါေရ စရႏၱိ ကမၼာနီ"တိအာဒိနာ ပကာသနတၳံ။(ဋီ) မဟာအ႒ကထာယံ ဒြါရကထာ အာစရိေယဟိ ကထိတာ။တတၳာတိ မဟာအ႒ကထာယံ။

ပဥၥ ဝိညာဏာနီတိ ဧတၳ ဆ႒ႆ ဝိညာဏႆ တႆ စ ဒြါရႆ အႏုေဒၵေသာ ဒြါရဒြါရဝႏၱာနံ သဟာဘာဝါ။(ဋီ)

ထေပတိ ဧေတနာတိ ဌပနံ၊ထပ ထပေန၊ယု၊ထႆ ေဌာ။ မာတိကာယ ဌပနံ မာတိကာဌပနံ။

*************************************

တတၳ ကိဥၥာပိ တီဏိ ကမၼာနိ ပဌမံ ဝုတၱာနိ၊ တာနိ ပန ဌေပတြာ အာဒိေတာ တာဝ တီဏိ ကမၼဒြါရာနိ ဘာေဇတြာ ဒႆိတာနိ။ ကတမာနိ တီဏိ? ကာယကမၼဒြါရံ ဝစီကမၼဒြါရံ မေနာကမၼဒြါရႏၱိ။(နီ၁၂၃)

*************************************

တတၳာတိ မာတိကာယံ။ အာဒိေတာတိ အာဒိသၼႎ။ တာဝါတိ ကမံ။

*************************************

တတၳ စတုဗၺိေဓာ ကာေယာ ဥပါဒိႏၷေကာ အာဟာရသမု႒ာေနာ ဥတုသမု႒ာေနာ စိတၱသမု႒ာေနာတိ။(နီ၁၂၄)

***********************+*********

တတၳာတိ ကာယကမၼဒြါရႏၱိဝစေန။

*********++***********************

တတၳ စကၡာယတနာဒီနိ ဇီဝိတိျႏၵိယပရိယႏၱာနိ အ႒ ကမၼသမု႒ာနရူပါနိပိ, ကမၼသမု႒ာနာေနဝ စတေႆာ ဓာတုေယာ ဝေဏၰာ ဂေႏၶာ ရေသာ ၾသဇာတိ အ႒ ဥပါဒိႏၷကကာေယာ နာမ၊တာေနဝ အ႒ အာဟာရဇာနိ အာဟာရသမု႒ာနိကကာေယာ နာမ၊ အ႒ ဥတုဇာနိ ဥတုသမု႒ာနိကကာေယာ နာမ၊ အ႒ စိတၱဇာနိ စိတၱသမု႒ာနိကကာေယာ နာမ။(နီ၁၂၄)

****************************+*******

တတၳာတိ စတုဗၺိေဓ ကာေယ။

တာေနဝ အ႒ ရူပါနိ အာဟာရဇာနိ သမာနာနိ အာဟာရသမု႒ာနိကကာေယာ နာမ။ တာေနဝ အ႒ ဥတုဇာနိ သမာနာနိ ဥတုသမု႒ာနိကကာေယာ နာမ။ တာေနဝ အ႒ စိတၱဇာနိ သမာနာနိ စိတၱသမု႒ာနိကကာေယာ နာမ။

**နိယတရူပရူပဝေသန စတုသမု႒ာနိကကာယာ ဝုတၱာတိ သဒၵႆ ဝိကာရရူပါဒီနဥၥ အသဂၤေဟာ။(ဋီ)

အ႒သာလိနီ(၁၂၃)

ဣမႆ ပန စိတၱႆ အာရမၼဏေမဝ နိဗဒၶံ ဝိနာ အာရမၼေဏန အႏုပၸဇၨနေတာ။ဒြါရံ ပန အနိဗဒၶံ။ကသၼာ? ကမၼႆ အနိဗဒၶတၱာ၊ကမၼသၼိဥွိ အနိဗေဒၶ ဒြါရမၸိ အနိဗဒၶေမဝ ေဟာတိ။(နီ၁၂၃)

**************************************

ဣမႆ ပန စိတၱႆာတိ ပနသေဒၵါ ဝါက်ာရမၻေဇာတေကာ၊

ဣမႆ ပထမမဟာကုသလစိတၱႆ။

နိဗဒၶႏၱိ နိယတံ။

**အာရမၼဏေမဝ နိဗဒၶႏၱိ ရူပါရမၼဏံ။ပ။ဓမၼာရမၼဏႏၱိ ဧဝံ နိယေမတြာ ဝုတၱံ။(ဋီ)

ပနသေဒၵါ ဗ်တိေရကတၳေဇာတေကာ။

အနိဗဒၶႏၱိ အနိယတံ။

**ကမၼႆ အနိဗဒၶတၱာတိ ကမၼႆ အနိယတတၱာ။

ယထာ ဟိ ရူပါဒီသု ဧကာရမၼဏံ စိတၱံ အနညာရမၼဏံ ေဟာတိ၊န ဧဝံ ကာယဒြါရာဒီသု ဧကဒြါရိကကမၼံ အညသၼႎ ဒြါေရ ႏုပၸဇၨတိ၊တသၼာ ကမၼႆ ဒြါရနိယမရဟိတတၱာ ဒြါရမၸိ ကမၼနိယမရဟိတႏၱိ ဣဓ အာရမၼဏံ ဝိယ နိယေမတြာ န ဝုတၱံ။

ဝိနာ အာရမၼေဏန အႏုပၸဇၨနေတာတိ ဧတႆပိ စေတၳာ "ယထာ ကာယကမၼာဒီသု ဧကံ ကမၼံ ေတန ဒြါေရန ဝိနာ အညသၼႎ ဒြါေရ စရတိ၊န ဧဝံ ရူပါဒီသု ဧကာရမၼဏံ စိတၱံ ေတနာရမၼေဏန ဝိနာ အာရမၼဏႏၱေရ ဥပၸဇၨတီ"တိ ေဝဒိတေဗၺာ။ န ဟိ ယထာ ဝစီဒြါေရ ဥပၸဇၨမာနမၸိ "ကာယကမၼ"ႏၱိ ဝုစၥတိ၊ဧဝံ သဒၵါရမၼေဏ ဥပၸဇၨမာနံ "ရူပါရမၼဏ"ႏၱိ ဝုစၥတိ။(ဋီ)

အ႒သာလိနီ(၁၂၂)

ဒါနမယံ ပန ဟုတြာ ပဝတၱမာနမၸိ ယဒါ ၾသဇဒါနပါနဒါနဇီဝိတဒါနာနိ သဟတၳာ ေဒတိ၊တဒါ ကာယကမၼံ ေဟာတိ။ယဒါ ပုတၱဒါရာဒေယာ အာဏာေပတြာ ဒါေပတိ၊တဒါ ဝစီကမၼံ ေဟာတိ။ယဒါ ကာယဂၤဝါစဂၤါနိ အေစာေပတြာ "ၾသဇဒါနပါနဒါနဇီဝိတဒါနဝေသန ဝိဇၨမာနကဝတၳဳံ ဒႆာမီ"တိ မနသာ စိေနၱတိ၊တဒါ မေနာကမၼံ ေဟာတိ။

ယဒါ ပန ဝုတၱပၸကာရံ ဝိဇၨမာနကဝတၳဳံ ကုလဝံသာဒိဝေသန သဟတၳာ ေဒတိ၊တဒါ သီလမယံ ကာယကမၼံ ေဟာတိ။ယဒါ ကုလဝံသာဒိဝေသေနဝ ပုတၱဒါရာဒေယာ အာဏာေပတြာ ဒါေပတိ၊တဒါ ဝစီကမၼံ ေဟာတိ။ယဒါ ကုလဝံသာဒိဝေသေနဝ "ဝုတၱပၸကာရံ ဝိဇၨမာနကဝတၳဳံ ဒႆာမီ"တိ မနသာဝ စိေႏၱတိ၊တဒါ မေနာကမၼံ ေဟာတိ။

စကၤမိတြာ ဓမၼာရမၼေဏ ခယဝယံ ပ႒ေပႏၱႆ ပန ဘာဝနာမယံ ကာယကမၼံ ေဟာတိ၊ကာယဂႍ အေစာေပတြာ ဝါစာယ ခယဝယံ ပ႒ေပႏၱႆ ဝစီကမၼံ ေဟာတိ၊ကာယဂၤဝါစဂၤါနိ အေစာေပတြာ မနသာဝ ဓမၼာရမၼေဏ ခယဝယံ ပ႒ေပႏၱႆ မေနာကမၼံ ေဟာတိ၊၊ ဧဝံ ဘာဝနာမယံ ကာယဝစီမေနာကမၼဝေသန တိဝိဓံ ေဟာတိ။ဧဝေမတံ ဓမၼာရမၼဏမၸိ ကုသလံ တိဝိဓပုညကိရိယဝတၳဳဝေသန နဝဟိ ကမၼဒြါေရဟိ ဘာေဇတြာ ဒေႆသိ ဓမၼရာဇာ။

ဧဝမိဒံ စိတၱံ နာနာဝတၳဴသု နာနာရမၼဏဝေသန ဒီပိတံ။

ဣဒံ ပန ဧကဝတၳဳသၼိမၸိ နာနာရမၼဏဝေသန လဗၻတိေယဝ။

ကထံ? စတူသု ဟိ ပစၥေယသု စီဝေရ ဆ အာရမၼဏာနိ လဗၻႏၱိ။

နဝရတၱႆ ဟိ စီဝရႆ ဝေဏၰာ မနာေပါ ေဟာတိ ဒႆနီေယာ၊ဣဒံ ဝဏၰာရမၼဏံ။ပရိေဘာဂကာေလ ပဋပဋသဒၵံ ကေရာတိ၊ဣဒံ သဒၵါရမၼဏံ။ေယာ တတၳ ကာလကစၦကာဒိဂေႏၶာ၊ဣဒံ ဂႏၶာရမၼဏံ။ ရသာရမၼဏံ ပန ပရိေဘာဂရသဝေသန ကထိတံ။ယာ တတၳ သုခသမၹႆတာ၊ဣဒံ ေဖါ႒ဗၺာရမၼဏံ။စီဝရံ ပဋိစၥ ဥပၸႏၷာ သုခါ ေဝဒနာ ဓမၼာရမၼဏံ။ပိ႑ပါေတ ရသာရမၼဏံ နိပၸရိယာေယေနဝ လဗၻတိ။ ဧဝံ စတူသု ပစၥေယသု နာနာရမၼဏဝေသန ေယာဇနံ ကတြာ ဒါနမယာဒိေဘေဒါ ေဝဒိတေဗၺာ။(နီ၁၂၂/၁၂၃)

************************************

ရဥၨီယိတၳာတိ ရတၱံ၊ရဥၨ ရေဂ၊ေတာ။

နဝဥၥ တံ ရတၱဥၥာတိ နဝရတၱံ။

မနံ အာပယတီတိ မနာေပါ၊မနသဒၵဴပပေဒါ အပ ပါပုဏေန၊ကာရိတေလာေပါ အပစၥေယာ။

ကာဠကစၦက=ဖေအာင္းနက္၊

ပရိဘုဥၨတိ ဧတၳ ကာေလတိ ပရိေဘာေဂါ၊ပရိပုေဗၺာ ဘုဇ ပါလနဗ်ဝဟရေဏသု၊ေဏာ။ ပရိေဘာေဂ ဥပၸေႏၷာ ရေသာ ပရိေဘာဂရေသာ။

*ပရိေဘာဂရေသာ ပရိေဘာဂပစၥယံ ပီတိေသာမနႆံ။ အယံ ပန ရသသမာနတာဝေသန ဂဟဏံ ဥပါဒါယ ရသာရမၼဏႏၱိ ဝုေတၱာ, န သဘာဝေတာ။ သဘာေဝန ပန ဂဟဏံ ဥပါဒါယ ပီတိေသာမနႆံ ဓမၼာရမၼဏေမဝ ေဟာတီတိ "သုခါ ေဝဒနာ ဓမၼာရမၼဏ"ႏၱိ ဝုတၱံ။(ဋီ)

အ႒သာလိနီ(၁၂၂)

ဓမၼာရမၼေဏ ဆ အဇၩတၱိကာနိ အာယတနာနိ, တီဏိ လကၡဏာနိ , တေယာ အရူပိေနာ ခႏၶာ, ပႏၷရသ သုခုမရူပါနိ, နိဗၺာနပညတၱီတိ ဣေမ ဓမၼာယတေန ပရိယာပႏၷာ စ အပရိယာပႏၷာ စ ဓမၼာ ဓမၼာရမၼဏံ နာမ။ ဣမသၼႎ ပန ဌာေန ဧေတသံ ဝေသန ေယာဇနံ အကတြာ ၾသဇဒါနပါနဒါနဇီဝိတဒါနဝေသန ကာတဗၺာ။ၾသဇာဒီသု ဟိ ရဇနီယံ ဓမၼာရမၼဏံ အာရမၼဏံ ကတြာ ေဟ႒ာ ဝုတၱနေယေနဝ တီဟိ နိယေမေဟတံ ကုသလံ ဥပၸဖၨတိ။(နီ၁၂၂)

**************************************

ဓမၼာရမၼဏံ ဒေႆေႏၱာ အာဟ "ဓမၼာရမၼေဏ"တိအာဒိ။

ဓမၼာရမၼေဏ ဧဝံ ဝိနိစၦေယာ ေဝဒိတေဗၺာ။

အပရိယာပႏၷာ စာတိ ပရမတၳေတာ အဝိဇၨမာနတၱာ အညာယတနတၱာ စ အသဂၤဟိတာ။(ဋီ)

ဧေတသႏၱိ ဓမၼာနံ။ ၾသဇာဒီသု ဟီတိအာဒိ ဝိတၳာေရာ။

**************************************

တတၳ ယဒါ "ၾသဇဒါနံ မယွ"ႏၱိ သပၸိနဝနီတာဒီနိ ေဒတိ၊ "ပါနဒါန"ႏၱိ အ႒ ပါနာနိ ေဒတိ၊"ဇီဝိတဒါန"ႏၱိ သလာကဘတၱသံဃဘတၱာဒီနိ ေဒတိ၊ အဖာသုကာနံ ဘိကၡဴနံ ေဘသဇၨံ ေဒတိ၊ေဝဇၨံ ပစၥဳပ႒ာေပတိ၊ဇာလံ ဖာလာေပတိ၊ကုမီနံ ဝိဒၶံသာေပတိ၊သကုဏပဥၨရံ ဝိဒၶံသာေပတိ၊ဗႏၶနေမာကၡံ ကာရာေပတိ၊မာဃာတေဘရႎ  စရာေပတိ၊အညာနိပိ ဇီဝိတပရိတၱာဏတၳံ ဧဝရူပါနိ ကမၼာနိ ကေရာတိ၊တဒါ ဒါနမယံ ေဟာတိ။ ယဒါ ပန "ၾသဇဒါနပါနဒါနဇီဝိတဒါနာနိ မယွံ ကုလဝံေသာ ကုလတႏၱိ ကုလပၸေဝဏီ"တိ ဝတၱသီေသန ၾသဇဒါနာဒီနိ ပဝေတၱတိ၊တဒါ သီလမယံ ေဟာတိ။ယဒါ ဓမၼာရမၼဏသၼႎ ခယဝယံ ပ႒ေပတိ၊တဒါ ဘာဝနာမယံ ေဟာတိ။(နီ၁၂၂)

**************+*******************

တတၳာတိ ဒါနမယာဒီသု။

ၾသေဇတိ တံသမဂၤ ိေန သေတၱ သခၤါေရ စ သမုပတၳမၻတိ သမုေတၱေဇတီတိ ဝါ ၾသဇာ။

ၾသဇ ထမၻေန ေတဇေန စ၊အ၊ဣတၳိယံ အာ။ ၾသဇာယ ဒါနံ ၾသဇဒါနံ။ သလတိ ယာတီတိ သလာကာ၊သလ ဂတိမွိ၊အာေကာ၊ဣတၳိယံ အာ။ သလာကာယ ဒါတဗၺံ ဘတၱံ သလာကဘတၱံ။ သံဃႆ ဘတၱံ သံဃဘတၱံ။ ဖုသတိ ဗာဓတိ ဒုကၡႏၱိ ဖာသု၊ဖုသ သမၹေႆ၊ဥ၊၊ဖာသုေယဝ ဖာသုေကာ။န ဖာသုေကာ အဖာသုေကာ။

ဝိႏၵတီတိ ေဝေဇၨာ၊ဝိဒ ဥာေဏ၊ေဏ်ာ၊ဒ်ႆ ေဇာ။ ဇာလယတိ အစၦာေဒတိ မေစၦ ဧေတနာတိ ဇာလံ၊ ဇလ ဆာဒေန၊ေဏာ။ ကုစၦိေတနာကာေရန မေစၦ မိနႏၱိ ဟႎသႏၱိ ဧေတနာတိ ကုမီနံ၊ကုပုေဗၺာ မီ ဟႎသာယံ၊ယု။ သေကၠာတီတိ သကုေဏာ၊သက သတၱိယံ၊ကုေနာ။နႆ ေဏာ။ ပဇၨယေတ ရုဓ်ေတ အၾတာတိ ပဥၨေရာ၊ပဇိ ေဗာဓာဝေရသု၊အရန္။သကုဏႆ ပဥၨေရာ သကုဏပဥၨေရာ။ ဗႏၶႏၱိ သေတၱ ဧေတနာတိ ဗႏၶနံ၊ ဗႏၶ ဗႏၶေန၊ယု။ ေမာကၡနံ ေမာေကၡာ၊ ေမာကၡ မုစၥေန၊အ။ ဗႏၶနသၼာ ေမာေကၡာ ဗႏၶနေမာေကၡာ။ ဟနတီတိ ဃာေတာ၊ဟန ဟႎသာဂတီသု၊ေဏာ။ န ဃာေတာ မာဃာေတာ။ မာဃာေတာတိ ေဘရီ မာဃာတေဘရီ။

*************************************+******************

အ႒သာလိနီ(၁၂၁)

မူလဂႏၶာဒီသုပိ ရဇနီယဂႏၶံ အာရမၼဏံ ကတြာ ေဟ႒ာ ဝုတၱနေယေနဝ တီဟိ နိယေမေဟတံ ကုသလံ ဥပၸဇၨတိ ။ တတၳ ယဒါ မူလဂႏၶာဒီသု ယံကိဥၥိ ဂႏၶံ လဘိတြာ ဂႏၶဝေသန အာဘုဇိတြာ "ဂႏၶဒါနံ မယွ"ႏၱိ ဗုဒၶရတနာဒီနိ ပူေဇတိ၊တဒါ ဒါနမယံ ေဟာတီတိ သဗၺံ ဝဏၰဒါေန ဝုတၱနေယေနဝ ဝိတၳာရေတာ ေဝဒိတဗၺံ။ဧဝံ ဂႏၶာရမၼဏမၸိ ကုသလံ တိဝိဓပုညကိရိယဝတၳဳဝေသန နဝဟိ ကမၼဒြါေရဟိ ဘာေဇတြာ ဒေႆသိ ဓမၼရာဇာ။(နီ၁၂၁)

**************************************

သဒၵါရမၼဏံ ဒေႆတြာ ဂႏၶာရမၼဏံ ဒေႆေႏၱာ အာဟ "မူလဂႏၶာဒီသုပီတိအာဒိ။

*************************************

မူလရသာဒီသု ပန ရဇနီယရသံ အာရမၼဏံ ကတြာ ေဟ႒ာ ဝုတၱနေယေနဝ တီဟိ နိယေမေဟတံ ကုသလံ ဥပၸဇၨတိ။တတၳ ယဒါ မူလရသာဒီသု ယံကိဥၥိ ရဇနီယံ ရသဝတၳဳံ လဘိတြာ ရသဝေသန အာဘုဇိတြာ "ရသဒါနံ မယွ"ႏၱိ ေဒတိ ပရိစၥဇတိ၊တဒါ ဒါနမယံ ေဟာတီတိ သဗၺံ ဝဏၰဒါေန ဝုတၱနေယေနဝ ဝိတၳာရေတာ ေဝဒိတဗၺံ။ သီလမေယ ပေနတၳ "သံဃႆ အဒတြာ ပရိဘုဥၨနံ နာမ အမွာကံ န အာစိဏၰ"ႏၱိ ဒြါဒသႏၷံ ဘိကၡဳသဟႆာနံ ဒါေပတြာ သာဒုရသံ ပရိဘုတၱႆ ဒု႒ဂါမဏိအဘယရေညာ ဝတၳဳံ အာဒႎ ကတြာ မဟာအ႒ကထာယံ ဝတၳဴနိ အာဂတာနိ၊အယေမဝ ဝိေသေသာ။ဧဝံ ရသာရမၼဏမၸိ ကုသလံ တိဝိဓပုညကိရိယဝတၳဳဝေသန နဝဟိ ကမၼဒြါေရဟိ ဘာေဇတြာ ဒေႆတိ ဓမၼရာဇာ။(နီ၁၂၁)

************************************+

ရသာရမၼဏံ ဒေႆေႏၱာ အာဟ "မူလရသာဒီသူ"တိအာဒိ။

သီလမေယ ဝတၳဴနိ အာဂတာနီတိ သမၺေႏၶာ။ ပေနတၳာတိ ပနသေဒၵါ ဝိေသသတၳေဇာတေကာ၊ဧတၳ ရသဒါေန၊ ဒါနမယာဒီသု ဝါ။

*******************************************

ေဖာ႒ဗၺာရမၼေဏပိ ပထဝီဓာတု ေတေဇာဓာတု ဝါေယာဓာတူတိ တီဏိ မဟာဘူတာနိ ေဖာ႒ဗၺာရမၼဏံ နာမ။ဣမသၼႎ ဌာေန ဧေတသံ ဝေသန ေယာဇနံ အကတြာ မဥၥပီဌာဒိဝေသန ကာတဗၺာ၊ယဒါ ဟိ မဥၥပီဌာဒီသု ယံကိဥၥိ ရဇနီယံ ေဖာ႒ဗၺဝတၳဳံ လဘိတြာ ေဖာ႒ဗၺဝေသန အာဘုဇိတြာ "ေဖာ႒ဗၺဒါနံ မယွ"ႏၱိ ေဒတိ ပရိစၥဇတိ၊တဒါ ဒါနမယံ ေဟာတီတိ သဗၺံ ဝဏၰဒါေန ဝုတၱနေယေနဝ ဝိတၳာရေတာ ေဝဒိတဗၺံ။ဧဝံ ေဖာ႒ဗၺာရမၼဏမၸိ ကုသလံ တိဝိဓပုညကိရိယဝတၳဳဝေသန နဝဟိ ကမၼဒြါေရဟိ ဘာေဇတြာ ဒေႆသိ ဓမၼရာဇာ။(နီ၁၂၁)

***********************************

ေဖာ႒ဗၺာရမၼဏံ ဒေႆေႏၱာ အာဟ "ေဖာ႒ဗၺာရမၼေဏပီ"တိအာဒိ။ 

ဧေတသႏၱိ မဟာဘူတာနံ။ဟိ ဝိတၳာရယိႆာမိ။

အ႒သာလိနီ(၁၂၀)

တတၳ ဒါနမယံ တာဝ ယဒါ ေဘရိအာဒီနိ ဂေဟတြာ သဟတၳာ ဥပဟာရံ ကေရာတိ၊နိစၥဳပဟာရတၳာယ ဌေပေႏၱာပိ သဟတၳာ  ဌေပတိ၊"သဒၵဒါနံ ေမ"တိ ဓမၼႆဝနံ ေဃာေသတုံ ဂစၦတိ၊ဓမၼကထံ သရဘညံ ကာတုံ ဝါ ဂစၦတိ၊တဒါ ကာယကမၼံ ေဟာတိ။ ယဒါ "ဂစၦထ တာတာ၊အမွာကံ သဒၵဒါနံ တိဏၰံ ရတနာနံ ဥပဟာရံ ကေရာထာ"တိ အာဏာေပတိ၊"သဒၵဒါနံ ေမ"တိ ေစတိယဂၤေဏသု "ဣမံ ေဘရႎ ,ဣမံ မုဒိဂၤ ံ ဌေပထာ"တိ အာဏာေပတိ၊သယေမဝ ဓမၼႆဝနံ ေဃာေသတိ၊ဓမၼကထံ ကေထတိ၊သရဘညံ ဘဏတိ၊တဒါ ဝစီကမၼံ ေဟာတိ။ ယဒါ ကာယဂၤဝါစဂၤါနိ အေစာေပတြာ "သဒၵဒါနံ ဒႆာမီ"တိ ဝိဇၨမာနကဝတၳဳံ မနသာ ပရိစၥဇတိ၊တဒါ မေနာကမၼံ ေဟာတိ။(နီ၁၂၀)

**************************************

တတၳာတိ ဒါနမယာဒီသု။

ဝိဇၨမာနကဝတၳဳႏၱိ ေဘရိအာဒိဝတၳဳံ။

ဓမၼႆဝနေဃာသနာဒီသု စ သဝတၳဳကံ ကတြာ သဒၵႆ ဒါနံ သဒၵဝတၳဴနံ ဌာနကရဏာနံ သသဒၵပၸဝတၱိကရဏေမဝါတိ တႆ စိႏၱနံ ဝိဇၨမာနဝတၳဳပရိစၥာေဂါ ေဝဒိတေဗၺာ။(ဋီ)

*****************************************

သီလမယမၸိ"သဒၵဒါနံ နာမ မယွံ ကုလဝံေသာ ကုလတႏၱိ ကုလပၸေဝဏီ"တိ ေဘရိအာဒီဟိ သဟတၳာ ဥပဟာရံ ကေရာႏၱႆ, ေဘရိအာဒီနိ သဟတၳာ ေစတိယဂၤဏာဒီသု ဌေပႏၱႆ , ဓမၼကထိကာနံ သရေဘသဇၨံ သဟတၳာ ဒဒႏၱႆ,ဝတၱသီေသန ဓမၼႆဝနေဃာသနဓမၼကထာကထနသရဘညဘဏနတၳာယ စ ဂစၦႏၱႆ ကာယကမၼံ ေဟာတိ။ "သဒၵဒါနံ နာမ အမွာကံ ကုလဝံေသာ ကုလတႏၱိ ကုလပၸေဝဏီ၊ဂစၦထ တာတာ၊ဗုဒၶရတနာဒီနံ ဥပဟာရံ ကေရာထာ"တိ အာဏာေပႏၱႆ,ကုလဝံသဝေသေနဝ အတၱနာ ဓမၼကထံ ဝါ သရဘညံ ဝါ ကေရာႏၱႆ စ ဝစီကမၼံ ေဟာတိ။"သဒၵဒါနံ နာမ မယွံ ကုလဝံေသာ၊သဒၵဒါနံ ဒႆာမီ"တိ ကာယဂၤဝါစဂၤါနိ အေစာေပတြာ မနသာဝ ဝိဇၨမာနကဝတၳဳံ ပရိစၥဇႏၱႆ မေနာကမၼံ ေဟာတိ။(နီ၁၂၀)

**************************************************

ဓမၼႆဝနႆ ေဃာသနံ ဓမၼႆဝနေဃာသနံ။ ဓမၼကထာယ ကထနံ ဓမၼကထာကထနံ။ သရဘညႆ ဘဏနံ သရဘညဘဏနံ။

*********************************************

ဘာဝနာမယမၸိ ယဒါ စကၤမေႏၱာ သေဒၵ ခယဝယံ ပ႒ေပတိ၊တဒါ ကာယကမၼံ ေဟာတိ။ကာယဂၤ ံပန အေစာေပတြာ ဝါစာယ သမၼသႏၱႆ ဝစီကမၼံ ေဟာတိ။ကာယဂၤဝါစဂႍ အေစာေပတြာ မနသာဝ သဒၵါယတနံ သမၼသႏၱႆ မေနာကမၼံ ေဟာတိ။ ဧဝံ သဒၵါရမၼဏမၸိ ကုသလံ တိဝိဓပုညကိရိယဝတၳဳဝေသန နဝဟိ ကမၼဒြါေရဟိ ဘာေဇတြာ ဒေႆသိ ဓမၼရာဇာ။(နီ၁၂၁)

************************************************

ဘာေဇတြာ ဒေႆသိ ဓမၼရာဇာ ဣဓ စ ရူပါရမၼဏာဒိဘာဝံ , အညတၳ စ "တီဏိမာနိ ဘိကၡေဝ ပုညကိရိယဝတၳဴနီ"တိ ဒါနမယာဒိဘာဝံ , အပရတၳ စ "ကတေမ ဓမၼာ ကုသလာ။တီဏိ။ပ။တံသမု႒ာနံ ကာယကမၼ"ႏၱိအာဒိနာ ကာယကမၼာဒိဘာဝဥၥ ဝဒေႏၱာ။(ဋီ)

အ႒သာလိနီ(၁၂၀)

ေဘရိသဒၵါဒီသု ဟိ ရဇနီယသဒၵံ အာရမၼဏံ ကတြာ ေဟ႒ာ ဝုတၱနေယေနဝ တီဟိ နိယေမေဟတံ ကုသလံ ဥပၸဇၨတိ။

တတၳ သဒၵံ ကႏၵမူလံ ဝိယ ဥပၸါေဋတြာ, နီလုပၸလဟတၳကံ ဝိယ စ ဟေတၳ ဌေပတြာ ဒါတုံ နာမ န သကၠာ၊သဝတၳဳကံ ပန ကတြာ ေဒေႏၱာ သဒၵဒါနံ ေဒတိ နာမ။(နီ၁၂၀)

*************************************

ေဘရိသဒၵါဒီသု ဟီတိအာဒိ ဝိတၳာေရာ။ တတၳာတိ ဒါနမယာဒီသု၊နိဒၶါရဏံ။ နီလုပၸလဟတၳကႏၱိ နီလုပၸလကလာပံ။ သဟ ဝတၳဳနာ ေယာ ဝတၱတီတိ သဝတၳဳေကာ။ သဝတၳဳကႏၱိ ေဘရိအာဒိဝတၳဳသဟိတံ ကတြာ။(ဋီ) သဒၵႆ ဒါနံ သဒၵဒါနံ။

**************************************

တသၼာ ယဒါ "သဒၵဒါနံ ဒႆာမီ"တိ ေဘရိမုဒိဂၤါဒီသု အညတရတူရိေယန တိဏၰံ ရတနာနံ ဥပဟာရံ ကေရာတိ၊ "သဒၵဒါနံ ေမ"တိ ေဘရိအာဒီနိ ဌပါေပတိ၊ဓမၼကထိကဘိကၡဴနံ သရေဘသဇၨေတလဖာဏိတာဒီနိ ေဒတိ၊ဓမၼႆဝနံ ေဃာေသတိ၊သရဘညံ ဘဏတိ၊ဓမၼကထံ ကေထတိ၊ဥပနိသိႏၷကကထံ အႏုေမာဒနကထံ ကေရာတိ၊တဒါ ဒါနမယံေယဝ ေဟာတိ။ ယဒါ ဧတေဒဝ ဝိဓာနံ ကုလဝံသာဒိဝေသန ဝတၱဝေသန ကေရာတိ၊တဒါ သီလမယံ ေဟာတိ၊ယဒါ သဗၺေမၸတံ ကတြာ "အယံ ဧတၱေကာ သေဒၵါ ျဗဟၼေလာကပၸမာေဏာပိ ဟုတြာ ခယံ ဂမိႆတိ၊ဝယံ ဂမိႆတီ"တိ သမၼသနံ ပ႒ေပတိ၊တဒါ ဘာဝနာမယံ ေဟာတိ။(နီ၁၂၀)

****************+*********************

ဘာယႏၱိ ဧတာယာတိ ေဘရီ၊ဘီ ဘေယ၊ရက္၊ဣတၳိယံ ဤ။

မုဒံ ပေမာဒံ ဣဂၤတိ ဂစၦတိ ေယနာတိ မုဒိေဂၤါ၊မုဒသဒၵဴပေဒါ ဣဂၤ ဂတိယံ၊အ။ ဥပဟရီယေတ ဥပဟာေရာ၊ဥပပုေဗၺာ ဟရ ပူဇာယံ၊ေဏာ။ ေဘသတိ စိကိစၦတီတိ ဘိသေဇာ၊ဘိသ စိကိေစၦ၊အ၊ဇာဂေမာ၊ ဘိသဇႆ ကမၼံ ေဘသဇၨံ၊ေဏ်ာ။ သရႆ ေဘသဇၨံ သရေဘသဇၨံ။ ဥပနိသီဒတီတိ ဥပနိသိေႏၷာ၊ဥပ+နိပုေဗၺာ သဒ နိသီဒေန၊ေတာ။ဥပနိသိေနၷာေယဝ ဥပနိသိႏၷေကာ။ ဥပနိသိနၷကႆ ကထာ ဥပနိသိနၷကကထာ။ အႏုေမာဒတိ ဧတာယာတိ အႏုေမာဒနာ၊အႏုပုေဗၺာ မုဒ ဟာေသ၊ယု၊ဣတၳိယံ အာ။ အနုေမာဒနာ စ သာ ကထာ စာတိ အနုေမာဒနကထာ။

အ႒သာလိနီ(၁၁၉)

ယဒါ ပန တံ ဝုတၱပၸကာရံ ဝတၳဳံ လဘိတြာ ကုလဝံသာဒိဝေသန သဟတၳာ ရတနတၱယံ ပူေဇတိ၊တဒါ သီလမယံ ကာယကမၼံ ေဟာတိ။ယဒါ ကုလဝံသာဒိဝေသေနဝ ပုတၱဒါရာဒေယာ အာဏာေပတြာ ပူဇာေပတိ၊တဒါ ဝစီကမၼံ ေဟာတိ။ ယဒါ "မယွံ ကုလဝံေသာ ကုလတႏၱိ ကုလပၸေဝဏီ ဧသာ,ကုလဝတၱေမတ"ႏၱိ ဝိဇၨမာနကဝတၳဳံ အာရဗၻ "ဝဏၰဒါနံ ဒႆာမီ"တိ စိေႏၱတိ၊တဒါ မေနာကမၼံ ေဟာတိ။ဧဝံ သီလမယံ ကာယဝစီမေနာကမၼဝေသန တိဝိဓံ ေဟာတိ။(နီ၁၁၉)

************+*************************

ကုလဝံသာဒိဝေသနာတိ ဥဒါဟရဏမတၱေမေဝတံ။အတၱနာ သမာဒိႏၷဝတၱဝေသန သပၸဳရိသဝတၱဂါမဇနပဒဝတၱာဒိဝေသန စ စာရိတၱသီလတာ ေဝဒိတဗၺာ။(ဋီ)

**************************************

ယဒါ ပန တံ ဝုတၱပၸကာရံ ဝတၳဳံ လဘိတြာ တီဏိ ရတနာနိ ပူေဇတြာ စကၤမေႏၱာ ခယဝယံ ပ႒ေပတိ၊တဒါ ဘာဝနာမယံ ကာယကမၼံ ေဟာတိ။ ဝါစာယ သမၼသနံ ပ႒ေပႏၱႆ ဝစီကမၼံ ေဟာတိ။ ကာယဂၤဝါစဂၤါနိ အေစာေပတြာ မနသာဝ သမၼသနံ ပ႒ေပႏၱႆ မေနာကမၼံ ေဟာတိ။

ဧဝံ ဘာဝနာမယံ ကာယဝစီမေနာကမၼဝေသန တိဝိဓံ ေဟာတိ။ဧဝေမတံ ရူပါရမၼဏံ ကုသလံ တိဝိဓပုညကိရိယဝတၳဳဝေသန နဝဟိ ကမၼဒြါေရဟိ ဘာေဇတြာ ဒေႆသိ ဓမၼရာဇာ။ သဒၵါရမၼဏာဒီသုပိ ဧေသဝ နေယာ။(နီ၁၁၉)

**************************************

ဘာဝနာမယႆ  တိဝိဓဘာဝံ ဒေႆတုံ "ယဒါ ပနာ"တိအာဒိမာဟ။

အ႒သာလိနီ(၁၁၉)

ယဒါ ပန တထာရူပေမဝ ေဒယ်ဓမၼံ လဘိတြာ "မယွံ ကုလဝံေသာ ကုလတႏၱိ ကုလပၸေဝဏီ ဧသာ,

ကုလဝတၱံ ဧတ"ႏၱိ ဗုဒၶရတနာဒီနိ ပူေဇတိ၊တဒါ သီလမယံ ေဟာတိ။ ယဒါ ပန တာဒိေသေနဝ ဝတၳဳနာ ရတနတၱယႆ ပူဇံ ကတြာ "အယံ ဝေဏၰာ ခယံ ဂစၦိႆတိ၊ဝယံ ဂစၦိႆတီ"တိ ခယဝယံ ပ႒ေပတိ၊ တဒါ ဘာဝနာမယံ ေဟာတိ။(နီ၁၁၉)

************************************

ဧေသာ မယွံ ကုလဝံေသာ, ဧသာ မယွံ ကုလတႏၱိ,ဧသာ မယွံ ကုလပၸေဝဏီ,ဧတံ မယွံ ကုလဝတၱ"ႏၱီတိ ေယာဇနာ။

ဝံေသာတိ အႏုကၠေမာ။ 

တႏၱီတိ သႏၱတိ။ ပေဝဏီတိ သမၺေႏၶာ။ သဗၺေမတံ စာရိတၱကိရိယာပဗႏၶႆ ဝစနံ။စာရိတၱသီလတၱာ သီလမယံ။(ဋီ)

*************************************

ဒါနမယံ ပန ဟုတြာ ဝတၱမာနမၸိ ယဒါ တီဏိ ရတနာနိ သဟေတၳန ပူေဇႏၱႆ ပဝတၱတိ၊တဒါ ကာယကမၼံ ေဟာတိ။ယဒါ တီဏိ ရတနာနိ ပူေဇေႏၱာ ပုတၱဒါရဒါသကမၼကရေပါရိသာဒေယာပိ အာဏာေပတြာ ပူဇာေပတိ၊တဒါ ဝစီကမၼံ ေဟာတိ။ယဒါ တေဒဝ ဝုတၱပၸကာရံ ဝိဇၨမာနကဝတၳဳံ အာရဗၻ "ဝဏၰဒါနံ ဒႆာမီ"တိ စိေႏၱတိ၊တဒါ မေနာကမၼံ ေဟာတိ။(နီ၁၁၉)

*********************************************

ဒါနမယာဒႎ  ကာယကမၼာဒိဝေသန ဒေႆေႏၱာ အာဟ "ဒါနမယံ ပနာ"တိအာဒိ။

သႆ အတၱေနာ ဟေတၳာ သဟေတၳာ။ ကမၼံ ကေရာတီတိ ကမၼကေရာ၊ ကမၼကေရာ စ ေသာ ေပါရိေသာ စာတိ ကမၼကရေပါရိေသာ၊

ပုေတၱာ စ ဒါေရာ စ ဒါေသာ စ ကမၼကရေပါရိေသာ စ ပုတၱဒါရဒါသကမၼကရေပါရိသာ၊ ေတ အာဒိ ေယသံတိ ပုတၱဒါရဒါသကမၼကရေပါရိသာဒေယာ။

**************************************

ဝိနယပရိယာယံ ပတြာ ဟိ "ဒႆာမိ ကရိႆာမီတိ ဝါစာ ဘိႏၷာ ေဟာတီ"တိ ဣမိနာ လကၡေဏန ဒါနံ နာမ ေဟာတိ။ အဘိဓမၼပရိယာယံ ပတြာ ပန ဝိဇၨမာနကဝတၳဳံ အာရဗၻ "ဒႆာမီ"တိ မနသာ စိႏၱိတကာလေတာ ပ႒ာယ ကုသလံ ေဟာတိ။ အပရဘာေဂ ကာေယန ဝါ ဝါစာယ ဝါ ကတၱဗၺံ ကရိႆတီတိ  ဝုတၱံ။ ဧဝံ ဒါနမယံ ကာယဝစီမေနာကမၼဝေသေနဝ တိဝိဓံ ေဟာတိ။(နီ၁၁၉)

**************************************

"ဒႆာမီ"တိ ဝစီေဘေဒန ဝတၳဳႆ ပရိဏတတၱာ တေတာ ပ႒ာယ ဒါနံ အာရဒၶံ နာမ ေဟာတိ၊ ယေတာ တႆ အတၱေနာ ပရိဏာမနာဒီသု အာပတၱိ ေဟာတိ။

ဝိဇၨမာနဝတၳဳသၼႎ  စိႏၱနကာလေတာ ပ႒ာယ ဒါနံ အာရဒၶႏၱိ တတၳ ဒါနမယံ  ကုသလံ ေဟာတီတိ အဓိပၸါေယာ။

န ဟိ ဒါနဝတၳဳံ အဝိဇၨမာနကမၸိ သခၤေရာႏၱႆ ကုသလံ န ေဟာတီတိ။ တံ ပန ဒါနမယႆ ပုဗၺဘာေဂါတိ တေဒဝ ဘေဇယ်။(ဋီ)

အ႒သာလိနီ(၁၁၈)

ဧဝံ ဥာဏသမၸယုတၱံ ဟုတြာ ဥပၸႏၷေဥၥတံ အသခၤါေရန အပၸေယာေဂန အႏုပါယစိႏၱနာယ ဥပၸႏၷတၱာ အသခၤါရံ နာမ ဇာတံ။တယိဒံ ရဇနီယဝဏၰာရမၼဏံ ဟုတြာ ဥပၸဇၨမာနေမဝ တိဝိေဓန နိယေမန ဥပၸဇၨတိ ဒါနမယံ ဝါ ေဟာတိ သီလမယံ ဝါ ဘာဝနာမယံ ဝါ။(နီ၁၁၈)

****************************************

သခၤါေရာတီတိ သခၤါေရာ၊ ပေယာဂူပါယစိႏၱနာ၊သံပုေဗၺာ ကရ ကရေဏ၊ေဏာ။ နတၳိ သခၤါေရာ ယႆ ပစၥယဂဏႆာတိ အသခၤါေရာ။ နတၳိ ပေယာေဂါ ယႆ ပစၥယဂဏႆာတိ အပၸေယာေဂါ။ န ဥပါေယာ အႏုပါေယာ၊ အႏုပါယႆ စိႏၱနာ အႏုပါယစိႏၱနာ၊ ဥပါယႆ အစိႏၱနာတိအေတၳာ။

အပၸေယာေဂန အႏုပါယစိႏၱနာယာတိသံဝဏၰနာဟိအသခၤါေရနာတိဧတၳ သခၤါရႆ သရူ့ပံ ဒေႆတိ။

တယိဒႏၱိ တံ ဣဒံ စိတၱံ။ နိယမီယေတ အေနနာတိ နိယေမာ၊

**************************************

ကထံ? ယဒါ ဟိ နီလပီတေလာဟိေတာဒါေတသု ပုပၹါဒီသု အညတရံ လဘိတြာ ဝဏၰဝေသန အာဘုဇိတြာ "ဝဏၰဒါနံ မယွ"ႏၱိ ဗုဒၶရတနာဒီနိ ပူေဇတိ၊တဒါ ဒါနမယံ ေဟာတိ။(နီ၁၁၈)

*************************************

ဟီတိ ဝိတၳာရယိႆာမိ။

နီလဥၥ ပီတဥၥ ေလာဟိတဥၥ ၾသဒါတဥၥ နီလပီတေလာဟိေတာဒါတာနိ၊

ပုပၹံ အာဒိ ေယသံတိ ပုပၹါဒီနိ။ ဝဏၰေမဝ ဒါနံ ဝဏၰဒါနံ။

ဗုေဒၶါ ဧဝ ရတနံ ဗုဒၶရတနံ၊ဗုဒၶရတနံ အာဒိ ေယသံတိ ဗုဒၶရတနာဒီနိ။

******************************************

တၾတိဒံ ဝတၳဳ=  ဘ႑ာဂါရိကသံဃမိေတၱာ ကိရ ဧကံ သုဝဏၰခစိတံ ဝတၳံ လဘိတြာ "ဣဒမၸိ ဝတၳံ သုဝဏၰဝဏၰံ၊ သမၼာသမၺဳေဒၶါပိ သုဝဏၰဝေဏၰာ၊သုဝဏၰဝဏၰံ ဝတၳံ သုဝဏၰဝဏၰေႆဝ အႏုစၦဝကံ၊အမွာကဥၥ ဝဏၰဒါနံ ဘဝိႆတီ"တိ မဟာေစတိေယ အာေရာေပသိ။ ဧဝရူေပ ကာေလ ဒါနမယံ ေဟာတီတိ ေဝဒိတဗၺံ။(နီ၁၁၈)

**************************************

တၾတာတိ ဒါနမယဘာေဝ၊ပူဇာယံ ဝါ။ဘ႑ာဂါရိကသံဃမိေတၱာတိ ဒု႒ဂါမဏိရေညာ ဘ႑ာဂါရိကသံဃမိေတၱာ။

သုဝေဏၰန ခစိတံ သုဝဏၰခစိတံ။သုဝဏၰႆ ဝေဏၰာ ဝိယ ဝေဏၰာ ယႆ ဝတၳႆာတိ သုဝဏၰဝဏၰံ။ ဥတၱရပဒေလာေပါ။ မဟာေစတိေယတိ ဒု႒ဂါမဏိရညာ ကေတ မဟာေစတိေယ။